حیدآباد: ذیابیطس کے مریضوں کے لیے وقتاً فوقتاً اپنے بلڈ شوگر لیول کو چیک کرتے رہنا ضروری ہوتا ہے۔ شوگر کے مریضوں کو بلڈ شوگر لیول بڑھنے کی وجہ سے کئی طرح کی پریشانیوں کا سامنا کرنا پڑتا ہے، جس میں کم دکھائی دینا، دل سے متعلق امراض اور گردے کی بیماری وغیرہ شامل ہیں۔ ایسے میں بلڈ شوگر لیول کو کنٹرول میں رکھ کر آپ ان تمام بیماریوں سے نجات حاصل کر سکتے ہیں۔ Eye problems in diabetic patients
ذیابیطس کے مسئلے کی وجہ سے انسان کی آنکھوں پر برا اثر پڑتا ہے۔ کئی بار بلڈ شوگر لیول پر توجہ نہ دینے کی وجہ سے اتنا بڑھ جاتا ہے کہ انسان کو اندھے پن کا بھی سامنا کرنا پڑ سکتا ہے۔ ذیابیطس کی وجہ سے آنکھوں سے متعلق بیماریوں جیسے ریٹینوپیتھی، گلوکوما اور موتیابند کا خطرہ بڑھ جاتا ہے۔ ایسی صورتحال میں اگر آپ ذیابیطس کے مریض ہیں تو ضروری ہے کہ آپ اپنی آنکھوں کا خیال رکھیں۔ آنکھوں سے متعلق کسی بھی قسم کی بیماری سے بچنے کے لیے آپ اپنے بلڈ شوگر کو کنٹرول میں رکھیں۔
بلڈ شوگر لیول کو رکھیں کنٹرول: جب آپ کا بلڈ شوگر لیول زیادہ ہوتا ہے تو آپ کی آنکھوں کے لینز کی شکل بدلنے لگتی ہے۔ جس کی وجہ سے آپ کو دھندلا نظر آنے لگتا ہے۔ تاہم بلڈ شوگر لیول کو کنٹرول کر کے اس مسئلے پر قابو پایا جا سکتا ہے۔ جسم میں بلڈ شوگر لیول زیادہ ہونے کی وجہ سے آپ کی آنکھوں کے خون کے خلیات پر بھی برا اثر پڑتا ہے۔ آپ وقتاً فوقتاً اپنے شوگر لیول کو چیک کر کے اس مسئلے سے بچ سکتے ہیں۔ Eye problems in diabetic patients
جسم کے دیگر مسائل پر بھی توجہ دیں: ہائی بلڈ پریشر اور کولیسٹرول دو ایسی چیزیں ہیں جس کی وجہ سے آپ کو بینائی میں مسائل کا سامنا کرنا پڑ سکتا ہے۔ ایسی صورتحال میں یہ ضروری ہے کہ آپ اپنے بلڈ پریشر اور کولیسٹرول کی سطح کو کنٹرول میں رکھیں۔ انہیں قابو میں رکھنا نہ صرف آپ کی آنکھوں کے لیے بلکہ آپ کی مجموعی صحت کے لیے بھی فائدہ مند ہے۔