Dengue Cases in Bihar بہار میں ڈینگو کے مریضوں کی تعداد میں اضافہ

پٹنہ ضلع میں گذشتہ 10 دنوں کے دوران ڈینگو کے معاملات میں ڈھائی گنا اضافہ ہوا ہے۔ پٹنہ میں ڈینگو کے مریضوں کی تعداد 500 کے قریب پہنچ گئی ہے۔ Dengue cases Increase in Bihar

پٹنہ: بہار میں ڈینگو کے مریضوں میں اضافے کے بعد، محکمہ صحت میں افراتفری کا ماحول ہے۔ پٹنہ میں ڈینگو کے مریضوں کی تعداد 500 کے قریب پہنچ گئی ہے۔ محکمہ صحت کے مطابق بدھ کے روز ڈینگو کے 57 نئے مریض سامنے آئے۔ سول سرجن دفتر سے جاری رپورٹ کے مطابق ضلع میں اب تک ڈینگو کے مریضوں کی تعداد 493 ہوگئی ہے۔ Dengue patients in Patna exceed 500

پٹنہ ضلع میں گزشتہ 10 دنوں کے دوران ڈینگو کے معاملات میں ڈھائی گنا اضافہ ہوا ہے۔ سول سرجن دفتر سے موصول ہونے والے اعداد و شمار کے مطابق 10 روز قبل 11 ستمبر تک ڈینگو کے 189 مریض سامنے آئے تھے جبکہ 21 ستمبر کو یہ تعداد بڑھ کر 493 ہوگئی ہے۔ ان میں سے زیادہ تر مریض پی ایم سی ایچ، آئی جی آئی ایم ایس، این ایم سی ایچ اور پٹنہ ایمس میں زیر علاج ہیں، جبکہ باقی نجی اسپتالوں میں داخل ہیں۔

محکمہ صحت اور میونسپل کارپوریشن نے ڈینگو، چکن گنیا کی مؤثر روک تھام کے لیے پٹنہ میں 360 دنوں تک جانچ کرنے کا فیصلہ کیا ہے۔ اس کے علاوہ ڈینگو کو روکنے کے لیے ریاست کے تمام متاثرہ اضلاع میں گھر گھر جا کر چانچ کرنے کو کہا گیا یے۔ Dengue patients in Patna exceed 500

پٹنہ کے سول سرجن ڈاکٹر کے کے رائے نے کہا کہ ضلع کے بنیادی مراکز صحت اور سب ڈویژنل ہسپتالوں کے انچارج ڈاکٹروں کو ڈینگو کے حوالے سے الرٹ کر دیا گیا ہے۔ ڈاکٹروں کو احکامات جاری کیے گئے ہیں کہ اگر کسی بھی مریض میں ہلکی بھی ڈینگو کے علامات ملتے ہیں تو اس کا ڈینگو کا ٹیسٹ کراکر علاج کیا جائے۔

صحت کے مراکز میں ڈینگو سے متعلق ادویات دستیاب کرا دی گئی ہے۔ ادھر دیگر اضلاع میں بھی ڈینگو کا پھیلنا شروع ہوگیا ہے۔ نالندہ ضلع میں ڈینگو کے 300 سے زیادہ مریض رپورٹ ہوئے ہیں۔

(آئی اے این ایس)