Digital Platform For Heart Patients: سی ایس آئی دل کی مریضوں کیلئے ڈیجیٹل پلیٹ فارم لانچ کرے گا

سی ایس آئی جلد ہی ایک ڈیجیٹل پلیٹ فارم لانچ کرنے کی تیاری کررہا ہے جو دل کے مختلف مسائل کی جانچ اور علاج کرنے میں مدد کرے گا۔ CSI to launch digital platform for heart patients likely by August end

لکھنؤ: کارڈیالوجیکل سوسائٹی آف انڈیا (CSI) جلد ہی ایک ڈیجیٹل پلیٹ فارم لانچ کرنے کی تیاری کررہا ہے جو دل کے مختلف مسائل کی جانچ کرے گا۔ یہ سہولت اگست کے آخر تک عوام کے لیے دستیاب ہونے کا امکان ہے۔ یہ دل کے مسائل اور ان کی روک تھام کے بارے میں تفصیلی جانکاری دے گا۔ سی ایس آئی کے ڈاکٹر وجے بنگ کے مطابق، تحقیق کہتی ہے کہ تقریباً 64 فیصد مریض اپنی دل سے متعلق بیماری کی جانکاری کے لیے انٹرنیٹ چیک اپ کراتے ہیں، اس کے علاوہ، تقریباً 50 فیصد لوگ پہلی علامت کے بعد نیٹ پر معلومات حاصل کرتے ہیں۔ اس کے بعد وہ ڈاکٹر کے پاس جاتے ہیں اور باقی اپنے طور پر یا فارماسسٹ کے مشورے سے دوا لیتے ہیں۔

وجے بنگ کے مطابق سی ایس آئی کا تعلق دل کی بیماریوں سے متعلق ہے۔ آج دنیا بھر میں اس مسئلے کے کیسز میں تیزی سے اضافہ ہورہا ہے اور بڑی تعداد میں لوگ ہلاک بھی ہورہے ہیں۔ اسی لیے ہماری ٹیم ایک ڈیجیٹل پلیٹ فارم پر کام کررہا ہے، انہوں نے کہا کہ اکثر لوگ انٹرنیٹ سے آدھی ادھوری معلومات حاصل کرکے اپنی جان کو خطرے میں ڈال لیتے ہیں۔

مثال کے طور پر ہارٹ اٹیک کے بہت سے مریض یا ان کے لواحقین ہارٹ اٹیک کو گیس سمجھ کر نظر انداز کردیتے ہیں اور علاج میں تاخیر کرتے ہیں جو بعض اوقات جان لیوا بھی ثابت ہوتا ہے۔ ڈاکٹر سدیپ کمار، فیکلٹی، شعبہ کارڈیالوجی، SGPGIMS نے کہا، "جلد ہی ڈیجیٹل ڈیوائس بھارت میں لانچ ہوگا اور دل کے مسائل کی تشخیص اور علاج کے قابل ہوں گا اس کے علاوہ یہ ڈیجیٹل ڈیوائس دل کے مریضوں کو تمام جانکاریاں دے گا۔

اس ڈیوائس کو ترقی یافتہ ممالک میں تیزی سے تیار کیا جا رہا ہے اور ان میں سے کچھ ممالک کامیاب بھی ہوئے ہیں۔ انہوں نے مزید کہا کہ جلد ہی یہ ڈیوائس بھارت میں لانچ کیا جائے گا جو لیبارٹری رپورٹ کے ڈیٹا، اسکینز اور کیس کی تاریخ اور طبی علامات کو ریکارڈ کرکے بیماری کی تشخیص اور ممکنہ علاج میں مدد کرے گا۔