Corona Cases in India بھارت میں کورونا پازیٹیو کیسز میں کمی

ملک میں گزشتہ 24 گھنٹوں کے دوران کووڈ 19 کیسز میں کمی دیکھی گئی ہے۔ انفیکشن کے 5439 نئے کیسز سامنے آئے ہیں جبکہ 22031 مریض صحتیاب ہوئے ہیں۔ Corona cases decline in India

نئی دہلی: بھارت میں گزشتہ 24 گھنٹوں کے دوران کووڈ 19 کے معاملات میں کمی دیکھنے کو ملی ہے۔ انفیکشن کے 5439 نئے کیسز سامنے آئے ہیں جبکہ گزشتہ روز 7591 نئے کیس درج ہوئے تھے۔ مرکزی وزارت صحت نے منگل کو یہ اطلاع دی۔ Corona cases decline in India

دریں اثنا اب ملک میں ایکٹیو کیسز کی تعداد کم ہو کر 65732 رہ گئی ہے، جو کل کے مثبت کیسز کا 0.15 فیصد ہے۔ وزارت صحت کی جانب سے جاری رپورٹ کے مطابق ملک بھر میں کووڈ سے ہونے والی اموات کی تعداد 5 لاکھ 27 ہزار 799 ہے۔ جبکہ گزشتہ 24 گھنٹوں میں 22031 مریضوں کے صحتیاب ہونے کے بعد کورونا سے صحتیاب ہونے والے مریضوں کی کُل تعداد 4 کروڑ 38 لاکھ 25 ہزار 24 ہوگئی ہے۔

دریں اثنا، روزانہ انفیکشن کی شرح معمولی طور پر کم ہوکر 1.70 فیصد ہوگئی ہے جبکہ ہفتہ واری انفیکشن کی شرح 2.64 فیصد ہے۔ اس عرصے میں ملک بھر میں کُل 3 لاکھ 20 ہزار 418 ٹیسٹ کیے گئے جس سے کیسز کی کُل تعداد بڑھ کر 88.55 کروڑ سے زیادہ ہوگئی۔ منگل کی صبح تک COVID-19 ویکسینیشن کوریج 2 کروڑ 82 لاکھ 59 ہزار 616 سیشنز کے ذریعے 212.17 کروڑ سے تجاوز کر گئی۔