Colon Cancer Cases نوجوانوں میں کولون کینسر کے معاملات بڑھ رہے ہیں

عالمی سطح پر کولون کینسر کے معاملات میں تیزی سے اضافہ ہورہا ہے۔ تاہم نوجوان اس کینسر کے زیادہ شکار ہورہے ہیں جو کہ تشویشناک ہے۔ Colon cancer cases rising among youngsters

حیدرآباد: اس وقت پوری دنیا میں کینسر کے کیسز میں تیزی اضافہ ہورہا ہے۔ ان کینسر کے کسز میں اب کولون کینسر کا نام بھی شامل ہو گیا ہے۔ کولن کینسر جسے کولوریکٹل (بڑی آنت) کینسر بھی کہا جاتا ہے، حالانکہ ابھی تک کولون کینسر کی صحیح وجوہات کا پتا نہیں چل سکا ہے لیکن نوجوان اس کینسر کا زیادہ شکار ہورہے ہیں جو کہ تشویشناک ہے۔

کولن کینسر کی وجوہات

کولون کینسر کے زیادہ تر معاملات جینیاتی ہوتے ہیں۔ اس کے علاوہ تیزی سے بڑھتے ہوئے موٹاپے، سرخ گوشت کا زیادہ استعمال، تمباکو نوشی، الکحل اور چینی کا زیادہ مقدار میں استعمال اس کے علاوہ رفع حاجت کی بدلتی عادات کی وجہ سے بڑی آنت کے کینسر کے کیسز میں اضافہ ہورہا ہے۔ ان وجوہات کی وجہ سے ملاشے کے اندرونی حصے میں صحت مند خلیے تبدیل ہونے شروع ہو جاتے ہیں اور قابو سے باہر ہو جاتے ہیں، اس تبدیلی کی وجہ سے بڑی آنت میں رسولی بن جاتی ہے جسے کولون کینسر کہا جاتا ہے۔

کولون کینسر کی ابتدائی علامات کیا ہیں؟

اگر کولون کینسر کا ابتدائی سٹیج پر پتہ چل جائے تو 90 فیصد مریضوں کی جانیں بچائی جا سکتی ہیں، تاہم بڑی آنت کے کینسر کی علامات کے بارے میں آگاہی کا فقدان اموات کی وجہ بنتی ہے۔ اس لیے اس کی ابتدائی علامات کا علم ہونا ضروری ہے۔

کولون کینسر کی ابتدائی علامات مندرجہ ذیل ہیں

پیٹ میں بار بار درد کا ہونا۔ اگر آپ کے پیٹ میں بار بار درد ہو رہا ہے، یا اگر اینٹھن محسوس ہورہی ہے تو اس کی جانچ کرانی چاہیے۔ اچانک وزن کا گرنا، بار بار رفع حاجت کا آنا اور کبھی اچانک قبض کا ہوجانا، پاخانہ کے گزرتے وقت ملاشے میں درد محسوس ہونا ہے۔ پاخانہ کا رنگ تبدیل ہونا، پاخانے کے دوران خون آنا بھی ایک علامت ہے جسے نظر انداز نہیں کرنا چاہیے۔