Widow Demands بیوہ کی اپیل پر شوہر کی لاش قبر سے نکالی گئی

مالدہ ضلع کے کالیا چک تھانہ کے ایک نمبر بلاک کے پنچنن گرام میں رہنے والی بیوہ کی اپیل پر ضلع مخسٹریٹ کی نگرانی شوہر کی لاش قبر سے نکال کر دوبارہ پوسٹ مارٹم کرائی گئی۔Widow Demands

مغربی بنگال کے مالدہ ضلع کے کالیا چک تھانہ کی تحت پنچنن گرام میں ضلع مجسٹریٹ کی قیادت میں پولیس اہلکاروں کی ایک ٹیم مقامی قبرستان پہنچی۔قبر کھود کر شخص کی لاش نکالی گئی۔لاش کو پوسٹ مارٹم کرانے کے ہسپتال بھیجنے کا انتظام کیا گیا۔Widow Demands Post Mortem Of Her Husband Dead Body IN maldah

پولیس نے کہا کہ سبینہ خاتون نام کی ایک بیوہ نے اپنے مقتول شوہر کی لاش کا پوسٹ مارٹم کرانے کے لئے ضلع مخسٹریٹ سے درخواست کی تھی۔مجسٹریٹ نے قبر کھود کر لاش نکالنے کی اجازت دی۔

پولیس نے مزید کہا کہ مقتول کی شناخت حافظ الاسلام کے طور پر ہوئی ہے۔وہ مچھلی کا کاروبار کرتا تھا۔چھ ستمبر کو ممبئی کے ایک ہسپتال میں اس کی موت ہو گئی تھی۔آٹھ ستمبر کو مالدہ ضلع کے کالیا چک تھانہ کے تحت پنچنن گرام میں واقع گھر کے قریب اس کی تدفین کر دی گئی۔

انہوں نے کہا کہ بیوہ کا کہنا ہے کہ اس کے شوہر کی نعش کا پوسٹ مارٹم نہیں کرایا گیا۔اس کو شبہ ہے کہ اس کے شوہر کا قتل کیا گیا ہے اور اسی بنیاد پر لاش کی دوبارہ پوسٹ مارٹم کرانے کی اپیل کی۔

بیوہ سبینہ خاتون نے کہا کہ ان کے شوہر کی کسی بیماری کی وجہ سے موت نہیں ہوئی ہے۔ان کا قتل کیا گیا ہے۔کاروباری رنجش کی وجہ سے اس واردات کو انجام دیا گیا ہے۔اس کی تفتیش ہونی چاہیے۔

انہوں نے کہا کہ پوسٹ مارٹم کی رپورٹ منظر عام پر آنے کے ساتھ ہی موت کی اصل وجہ بھی سامنے آجائے گی۔انہوں نے قاتلوں کی گرفتاری کا مطالبہ کیا۔Widow Demands Post Mortem Of Her Husband Dead Body