رابندر بھارتی یونیورسٹی میں ٹی ایم سی پی بلا مقابلہ منتخب

رابندر بھارتی یونیورسٹی میں طلباء یونین کے انتخابات میں ایک بار پھر ترنمول کانگریس چھاتر پریشد قبضہ کرنے میں کامیاب ہوئی ہے آج یونیورسٹی میں طلباء یونین کا انتخاب تھا جس میں 299 سیٹوں پر ترنمول چھاتر پریشد کے امیدواروں کے خلاف کوئی امیدوار انتخاب میں کھڑا ہی نہیں ہوا۔

کولکاتا کے رابندر بھارتی یونیورسٹی میں طلباء یونین کا انتخاب میں پرچہ نامزدگی کے لئے آخری تاریخ 26 نومبر اور نام واپس لینے کی آخری تاریخ 28 نومبر تھی ترنمول کانگریس چھاتر پریشد کے امیدواروں کے خلاف 299 سیٹوں پر مخالف میں کسی پرچہ نامزدگی داخل ہی نہیں کی.

ا اس سلسلے میں ترنمول چھاتر پریشد کے رکن بسواجیت کے مطابق ہمیشہ طلباء کے ساتھ ہم لوگ کھڑے رہتے ہیں.ان کی حمایت ہے کہ ہماری مخالفت نہیں کی گئی ۔ ہمارے امیدوار بلا مقابلہ ہی کامیاب رہے۔ جبکہ اپوزیشن کا کہنا کچھ اور ہی ہے ایس ایف آئی کولکاتا ضلع کے جنرل سیکریٹری ارجن رائے کے مطابق غیر قانونی طور پر الیکشن کمیٹی کی تشکیل دی گئی ہے ۔

پرچہ نامزدگی کی اسکروٹنی سے قبل ہی طلباء کو دھمکی دی گئی تھی ایس ایف آ ئی نے اس کے خلاف قانونی کاروائی کی بھی دھمکی دی ہے۔ اے وی بی پی نے بھی یہی الزامات لگائے ہیں ۔

واضح رہے کہ کولکاتا کے ہی پریسیڈنسی یونیورسٹی میں گزشتہ دنوں ہوئے طلباء یونین کا انتخاب میں ایس ایف آئی کو شاندار کامیابی ملی تھی۔ اس کے بعد سے ہی ترنمول کانگریس پر دباؤ تھا بائیں بازو کے نظریات کا حامل جادب پور یونیورسٹی میں بھی طلباء یونین کا انتخابات ہونے والے ہیں جہاں ایس ایف آئی کو امید ہے کہ پریسیڈنسی کی طرح وہاں بھی کامیابی ملے گی۔