ستابدی رائے کی بی جے پی میں شامل ہونے کی تردید

ترنمول کانگریس کی رکن پارلیمان ستابدی رائے نے کہا کہ میری بی جے پی میں شامل ہونے کی خبریں بالکل غلط اور بے بنیاد ہیں۔

مغربی بنگال کے بیربھوم سے ترنمول کانگریس کی رکن پارلیمان ستابدی رائے نے بی جے پی میں شامل ہونے کی خبروں کی تردید کی ہے۔ انہوں نے کہا کہ فیس بک پیج پر سیاسی کریئر کے بارے میں فیصلہ لینے سے متعلق جو پوسٹ کیا گیا ہے، وہ بالکل صحیح ہے۔

رکن پارلیمان نے کہا کہ 'پوسٹ صحیح ہے۔ اس میں لکھی گئی ساری باتیں صد فیصد سچ ہے اور میں تمام باتوں کی حمایت بھی کرتی ہوں لیکن جہاں تک بی جے پی میں شامل ہونے کی بات ہے تو وہ بالکل غلط اور بے بنیاد ہے، اس میں ذرہ برابر بھی سچائی نہیں ہے۔'

ترنمول کانگریس کی رکن پارلیمان ستابدی رائے

انہوں نے کہا کہ اپوزیشن جماعتیں میرے فیس بک پوسٹ پر سیاست شروع کر دی ہیں۔ وہ اس کا سیاسی فائدہ اٹھانے کی کوشش میں مصروف ہیں۔

رکن پارلیمان کے مطابق میں عوام کے لئے کام کرنا چاہتی تھی لیکن مجھے کام کرنے نہیں دیا گیا۔ میں ان کے خلاف ہوں پارٹی کے خلاف نہیں ہوں۔

انہوں نے کہا کہ ایک رکن پارلیمان کی حیثیت دہلی جا سکتی ہوں۔ اس کا مطلب یہ نہیں کہ دہلی جا کر بی جے پی میں شامل ہو جاؤں گی۔ سیاسی حلقوں میں ستابدی رائے کے بی جے پی میں شامل ہونے سے متعلق قیاس آرائیاں تیز ہو گئی ہے۔ اسی درمیان ہفتے کو وہ دہلی جائیں گی۔