مغربی بنگال کے جادب پور سے ترنمول کانگریس کی رکن پارلیمان میمی چکرورتی دبئی میں جاری اپنی فلم کی شوٹنگ درمیان میں ہی چھوڑ کر کولکاتا واپس آ گئی ہیں۔
رکن پارلیمان اور اداکارہ شوٹنگ درمیان میں ہی چھوڑ کر کولکاتا لوٹی کولکاتا کے نیتا جی سبھاش چندر بوس انٹرنیشنل ائیر پورٹ پر رکن پارلیمان میمی چکرورتی نے میڈیا سے گفتگو کرتے ہوئے کہاکہ کورونا وائرس کے سبب دبئی میں جاری شوٹنگ درمیان ہی چھوڑ کر وطن واپس آنے کا فیصلہ کیا۔
انہوں نے کہاکہ شوٹنگ درمیان چھوڑ کر وطن واپس آنے کا فیصلہ بالکل درست ہے۔اس وقت خطرہ مول لینا صحیح نہیں ہے۔
میمی چکرورتی کاکہنا ہے کہ وطن واپسی کے بعد اپنے حلقے کا جائزہ لوں گی۔ وہاں کے لوگوں کے لئے پیغام یہ ہے کہ ضرورت کے مطابق اکھٹا ہوں۔ غیرضروری سرگرمیوں میں شرکت کرنے سے گریز کریں گے۔
رکن پارلیمان اور اداکارہ شوٹنگ درمیان میں ہی چھوڑ کر کولکاتا لوٹی بین الاقوامی وبا شکل اختیار کرچکی کوروناوائرس کے سبب ملک بھر میں دہشت کا ماحول ہے۔ مرکزی حکومت کی ہدایت کے بعد تمام ریاستوں نے ایڈوائزری جاری کی ہے۔
کوروناوائرس سے نمٹنے کے لئے مرکزی حکومت کی جانب سے ہدایت جاری ہونے کے بعد تمام ریاستوں نے اسکول، کالج، یونیورسٹیوں اور سرکاری دفاتر بند کرنے کا اعلان کردیا ہے۔
اس دوران بھارت میں ہونے والے بین الاقوامی اور قومی سطح کے تمام کھیل مقابلوں کو ملتوی کردیا گیا ہے۔ کھلاڑیوں کو احتیاطی تدابیرپر سختی سے عمل کرنے کا مشورہ دیا گیا ہے۔
