مغربی بنگال کے ہگلی ضلع کے شری رام پور سے رکن پارلیمان ایڈوکٹ کلیان بنرجی اپنی بے باکی کے لیے جانے جاتے ہیں ایک بار پھر سے انہوں نے ریاستی حکومت کے تمام ترقیاتی اور فلاحی منصوبوں کا بے باکی سے مرکزی حکومت کی اسکیموں سے موازنہ کیا ہے۔
ترنمول کانگریس کے رہنما کا کہنا ہے کہ میں نے سچائی کو عوام تک لانے کی کوشش کی ہے، تاکہ لوگوں کو پتہ چل سکے کہ کون کتنا کام کرتا ہے ایڈوکٹ کلیان بنرجی کا کہنا تھا کہ ممتا بنرجی کے دور حکومت میں ترقیاتی اور فلاحی منصوبوں کو عوام کے سامنے لانے کی کوشش کی، عام لوگ ان منصوبوں سے کتنا فائدہ اٹھاتے ہیں یہ جاننا ضروری ہے۔
انہوں نے کہا کہ شطرنج کے بورڈ کے پیچھے ممتا بنرجی قیادت والی حکومت کی تمام کارکردگی کا ذکر ہے اس کے دوسری طرف مودی حکومت کے کارناموں پر تبصرہ ہے
ترنمول کانگریس کے رہنما نے کہا کہ طریقہ بالکل مختلف لیکن انوکھا ہے لوگ شطرنج کیھیلں گے، ممتا اور مودی حکومت کے کاموں کا موازنہ کریں گے۔
وہیں ایڈوکٹ کلیان بنرجی کے بیان پر تبصرہ کرتے ہوئے ہگلی ضلع سے بی جے پی کی رکن پارلیمان لاکٹ چٹرجی کا کہنا ہے کہ حکمراں جماعت کے رہنماؤں کے پاس کوئی کام رہ نہیں گیا ہے۔
انہوں نے کہا کہ بے روزگار لوگ مودی کے ترقیاتی کاموں کو اپنے نام کرنے پر آمادہ ہیں، اس لیے موازنے کا کھیل کھیل رہے ہیں، بی جے پی کی رکن پارلیمان کا کہنا ہے کہ مودی اور ممتا کے ترقیاتی کاموں کا کسی بھی قیمت پر موازنہ نہیں کیا جا سکتاہے۔
انہوں نے کہا کہ ممتابنرجی کی قیادت والی حکومت نے گزشتہ دس برسوں کے دوران کچھ بھی نہیں کیا ہے، ترنمول کانگریس اگر عام لوگوں کے حق میں کام کرتی تو اسے مودی کے ترقیاتی کاموں کو اپنے نام کرانے کی ضرورت نہیں پڑتی۔
