ترنمول کانگریس رکن اسمبلی کورونا متاثر

ترنمول کانگریس کے رکن اسمبلی اکِھل گور کورونا مثبت پائے گیے ہیں۔ انہیں آئی ڈی ہسپتال میں داخل کرایا گیا ہے۔

مغربی بنگال کے مدنی پور ضلع کے رام نگر سے ترنمول کانگریس کے رکن اسمبلی اکھل گور بھی کی زد میں آگئے ہیں جس کے بعد اہیں ہسپتال میں بھرتی کرایا گیا۔

اکھل گور کے کورونا مثبت کی تصدیق کے بعد گھر کے تمام افراد کو ہوم کوارنٹین ہونےکی ہدایت دی گئی۔

ٹی ایم سی رکن اسمبلی کو سانس لینے میں تکلیف کی شکایت پر ہسپتال میں داخل کرایا گیا ہے۔ ان کے بیٹے اور مدنی پور ضلع ترنمول یوتھ کانگریس کے نائب صدر شیو پرکاش گور نے بتایا کہ ان کے والد کو گزشتہ چند روز سے بخار کی شکایت تھی جس کے بعد ٹیسٹ کرایا اور رپورٹ مثبت آنے پر ہسپتال میں بھرتی کرایا گیا۔

اکھل گور کے کورونا مثبت پائے جانے کے بعد وزیراعلی ممتا بنرجی نے مدنی پور کا دورہ ملتوی کر دیا اور چند روز بعد ان کے دورہ مدنی پور کی تاریخ کا اعلان کیا جائے گا۔

واضح رہے کہ ترنمول کانگریس چھوڑ کر بی جے پی میں شامل ہونے والے شوبھندو ادھیکاری اسی ضلع کے رہنے والے ہیں۔ ریاستی وزیر سبرتو مکھرجی نے کہا کہ مدنی پور ضلع میں گھر گھر سرکاری اسکیم کے تحت تقریب کا انعقاد کیا جانا تھا لیکن اکھل گور کے بیمار ہونے کے سبب تقریب کو ملتوی کیا گیا ہے۔