Shot out at Adra پرولیا میں ٹی ایم سی رہنما کا گولی مار کر قتل

پنچایت انتخابات سے قبل ریاست میں خونی جھڑپوں کا سلسلہ جاری ہے۔ پرولیا ضلع کے ادرا تھانہ علاقے میں نامعلوم شرپسندوں کی فائرنگ میں ترنمول کانگریس کے شہر صدر کی موت ہو گئی۔ ترنمول رہنما کے قتل سے علاقے میں کشیدگی کا ماحول ہے۔

پرولیا: مغربی بنگال میں پنچایت انتخابات کے اعلان کے بعد سے تصادم کا جو سلسلہ شروع ہوا ہے وہ رکنے کا نام نہیں لے رہا ہے۔ ریاست کے مختلف اضلاع میں سیاسی تصادم کے دوران اب تک نو لوگوں کی جان جا چکی ہے۔ ریاست میں نامزدگی کی مدت شروع ہونے کے بعد سے ریاست کے مختلف اضلاع میں یکے بعد دیگر موت ہو رہی ہے۔ اس پر کلکتہ ہائی کورٹ نے ریاستی انتخابی کمیشن کی زوردار سرزنش کی ہے۔

ریاست میں پنچایت انتخابات کی تاریخ کے اعلان کے بعد سے اب تک 13 دنوں میں آٹھ افراد مارے گئے۔ اسی درمیان پرولیا ضلع کے ادرا میں شرپسندوں نے ترنمول کانگریس کے سٹی صدر دھننجے چوبے (48) کو گولیوں سے بھون کر موت کا گھاٹ اتار کر فرار ہو گئے۔ مقامی باشندوں کی مدد سے ترنمول کانگریس کے رہنما کو تشویشناک حالت میں رگھوناتھ پور ضلع ہسپتال میں داخل کرایا گیا جہاں ڈاکٹروں نے انہیں مردہ قرار دے دیا۔ پولیز نے جائے وقوع پر پہنچ کر حالات کا جائزہ لیا۔ اس واقعے میں ایک اور شخص کے زخمی ہونے کی اطلاع ہے۔

ترنمول کانگریس نے بی جے پی پر قتل کی سازش رچنے کا الزام عائد کیا ہے۔ بی جے پی نے ٹی ایم سی کے رہنما کی موت کو ترنمول کے گروہی تصادم کا نتیجہ قرار دیا۔ پولیس نے کہا کہ پورے معاملے کی تفتیش کی جا رہی ہے۔ اس معاملے میں ملوث شرپسندوں کی تلاش جاری ہے۔ فی الحال اس معاملے میں واضح طور پر کچھ بھی کہا نہیں جا سکتا ہے۔