Presidential Election 2022: صدارتی انتخابات میں مغربی بنگال کے ارکان اسمبلی نے ووٹ ڈالے

صدارتی انتخاب میں حصہ لینے کے لیے پیر کی صبح سے ہی مغربی بنگال اسمبلی میں ترنمول کانگریس اور بی جے پی کے ارکان اسمبلی قطار میں نظر آئے۔ بی جے پی نے اپنے 69 ارکان اسمبلی کو ایک روز قبل ہی ایک نجی ہوٹل میں ٹھہرایا اور ووٹنگ کی تربیت دی۔ وہیں ترنمول کانگریس بھی پرجوش نظر آئے۔ ترنمول کانگریس کے سنئیر رہنما فرہاد حکیم نے کہاکہ ہماری کوشش ہے کہ صدارتی انتخاب میں اپوزیشن کے امیدوار یشونت سنہا کو بنگال سے اکثریت حاصل ہو۔' Presidential Election 2022

کولکاتا: صدر جمہوریہ کے انتخابات Presidential Election 2022 کے لیے پیر کے روز ووٹ ڈالے گئے، مغربی بنگال اسمبلی میں صبح دس بجے سے ووٹنگ شروع ہوگئی۔ ترنمول کانگریس کے نائب صدر یشونت سنہا کو ملک کی غیر بی جے پی جماعتوں کی جانب سے صدارتی انتخاب میں حمایت حاصل ہے۔ جب کہ دروپدی مرمو صدر کے لیے این ڈی اے کی جانب سے امیدوار بنائی گئی ہیں۔ الیکشن سے قبل بی جے پی نے اپنے اراکین اسمبلی کو اتوار کے روز سے شہر کے ایک ہوٹل میں ٹھہرایا اور کس طرح ووٹ دیا جائے اس کے لیے مشق بھی کرائی۔ TMC and BJP MLAs Arrive Assembly

بنگال میں بی جے پی کے پاس فی الحال ارجن سنگھ کے ترنمول کانگریس میں شامل ہونے کے بعد 17 ایم پی ہیں اور جبکہ 69 ارکان اسمبلی ہیں۔ وہیں مغربی بنگال اسمبلی میں کل 294 سیٹوں میں سے ۔ ترنمول کانگریس کے پاس 216 ارکان اسمبلی 13 راجیہ سبھا اور 23 لوک سبھا کےرکن ہیں۔

صدارتی انتخابات کے لیے بی جے پی ارکان نے ووٹنگ سے قبل پوجا کی اور ووٹ دینے کے لیے پر جوش نظر آئے۔ بی جے پی کے تمام ارکان زعفرانی اور پیلے رنگ کے کرتا اور ساڑیوں میں نظر آئیں۔ بی جے پی کے آدیواسی ارکان اسمبلی منوج ٹیگا نے غیر بی جے پی ارکان اسمبلی سے دروپدی مرمو کو ووٹ دینے کی اپیل بھی کرتے نظر آئے۔

شام پانچ بجے تک چلے ووٹنگ میں تقریباً مغربی بنگال اسمبلی ارکان ووٹ ڈالنے پہنچے، صرف انڈین سیکولر فرنٹ کے واحد ارکان اسمبلی نوشاد صدیقی جنہوں نے پہلے ہی اعلان کر دیا تھا کہ نہ و ترنمول کانگریس کے امیدوار یشونت سنہا کی حمایت کریں گے اور نہ ہی بی جے پی کی امیدوار دروپدی مرمو کی حمایت کریں گے وہ نہیں پہنچے۔'

اس موقع پر ترنمول کانگریس کے رہنما برتو باسو نے کہاکہ بی جے پی ایک طرف آدیواسی سماج کی دہائی دے رہی ہے تو دوسری جانب جھاڑکھنڈ اور دیگر آدیواسی اکثریت والے علاقوں کے پہاڑوں اور آدیوسیوں کے جنگل چھین رہے ہیں، صدارتی انتخاب میں ایک آدیواسی خاتون کو انہوں نے امیدوار بنایا ہے لیکن ان کو آدیوسیوں سے کوئی محبت نہیں ہے'۔