کرونا وائرس سے متاثر تھائی لینڈ مسافرکی موت

کولکاتا کے ایک ہرائیوٹ ہسپتال میں تھائی لینڈکے ایک شہری کو مبینہ طور پر کرونا وائرس کی وجہ سے موت ہوگئی ۔اس واقعہ کے بعد انتظامیہ نے الرٹ جاری کیا ہے۔

مغربی بنگال کے دارلحکومت کولکاتا کے ایک پرائیوٹ ہسپتال میں تھائی لینڈ کے ایک شہری کی مبینہ طور پر کرونا وائرس کی وجہ سے موت ہوگئی ہے۔

ذرائع کے مطابق وہ کولکاتا میں گزشتہ سال نومبر سے ہی مقیم تھے انہیں 21جنوری کو بخار، قے اور درد کی شکایت پرہسپتال میں داخل کرایا گیا تھا۔

کرونا وائرس سے متاثر تھائی لینڈ مسافرکی موت

دو دن قبل آئی سی یو منتقل کیا گیا۔ہسپتال کے ذرائع کے مطابق 18جنوری سے ہی وہ بیمار تھا۔علاج کے باوجود اس کی تکلیف میں کمی نہیں آرہی تھی۔

تھائی لینڈ کے قونصلیٹ جنرل کو مطلع کردیا گیا ہے۔مغربی بنگال محکمہ صحت نے تمام جانچ کی رپورٹ طلب کی ہے۔

محکمہ صحت نے بتایا کہ ابتدائی علامات سے یہ بات ظاہر ہوتی ہے کہ تھائی لینڈ شہری کی موت کرونا وائرس کی وجہ سے ہوئی ہے۔

تاہم اس کی تصدیق کیلئے بیلیا گھاٹا انفیکشن اسپتال میں تمام رپورٹ بھیج دی گئی ہیں۔ریزلٹ کا انتظار کیا جارہا ہے۔

ہیں چین سے آنے والے مسافروں پر گہری نظر رکھی جارہی ہے۔کلکتہ ائیر پورٹ پر چین سے آنے والے طیارے کے مسافروں کی میڈیکل جانچ کی جاتی ہے۔

چین میں اب تک کرونا وائرس کی وجہ سے 100افراد کی موت ہوگئی ہے۔