'معاشی بحران کیلئے مودی حکومت کی غلط پالیسیاں ذمہ دار'

ریاستی وزیرمالیات امت مترا نے ملک کی معاشی حالت بگڑنے کے لیے بی جے پی کی قیادت والی مرکزی حکومت کو ذمہ دار ٹھہرا یا

مغربی بنگال کے وزیر مالیات امیت مترا نے کہا کہ اس وقت ملک میں ڈیموکریسی کو خطرہ لاحق ہے، آئین ہند کے بنیادی ڈھانچے کو کمزور کرنے کی تدبیریں کی جارہی ہیں اور بھارت کے وفاقی ڈھانچے پر بھی مسلسل حملے ہورہے ہیں۔

مترا نے کہا کہ گلوبل ڈیموکریسی انڈیکس میں ہندوستان کی پوزیشن میں گراوٹ آئی ہے۔انہوں نے کہا کہ ہندوستانی سماج کو تقسیم کرنے کی کوشش کررہی ہے۔

انہوں نے کہا کہ اکانومی انڈیکس میں نہ صرف ہندوستان کی پوزیشن میں گراوٹ آئی ہے بلکہ منفی مقام پر پہنچ گیا ہے۔

'معاشی بحران کیلئے مودی حکومت کی غلط پالیسیاں ذمہ دار'

انہوں نے کہا کہ اس کی وجہ سے مہنگائی میں حددرجہ اضافہ ہوگیا ہے اور کسانوں کو شدید مالی نقصانات کا سامنا ہے۔

وزیرمالیات نے کہا کہ بھارت کی ترقی کی شرح نمو میں گراوٹ 5فیصد تک پہنچ گیا ہے۔گزشتہ 11سالوں میں یہ سب سے کم ہے۔جب کہ بنگال کی ترقی کی شرح 10.4فیصد تک پہنچ گیا ہے۔

انہوں نے کہا کہ اسی طرح جب ہندوستان میں انڈسٹریل گروتھ 2019-20میں 0.6فیصد رہی ہے تو بنگال 3.1فیصد پر ہے۔انہوں نے کہا کہ میک انڈیا مکمل طور پر فیل ہوچکا ہے۔