مغربی بنگال بھارتیہ جنتاپارٹی کے صدر دلیپ گھوش نے مرکزی حکومت کے ایڈوائزری کی حمایت کرتے ہوئے کہا ہے کہ مسلم اکثریتی علاقوں میں لاک ڈاؤن کی صحیح سے پاسداری نہیں کی جارہی ہے۔
حقوق انسانی تنظیم سے وابستہ سماجی کارکن نے کورونا وائرس پر اس طرح کی بحث کو افسوس ناک قرار دیتے ہوئے کہا کہ بنگال بی جے پی کے الزام کی بنیاد پر مرکزی حکومت کا ایڈوائزری جاری کرنا بتاتا ہے کہ مرکز ابھی سنجیدہ نہیں ہے
۔انہوں نے کہا کہ یہ وقت سیاست کا نہیں تھا مگر سیاسی اس موقع کو بھی ضائع نہیں کررہے ہیں۔لاک ڈاؤن پر سختی سے عمل نہیں کیا جائے گا تو حالات میں بہتری کیسے آ ئے گی۔ حکومت ان حالات میں سیاست کررہی ہے۔ اس سے ہزاوروں لوگوں کی زندگی میں خطرے میں ہے۔
۔جنوبی کلکتہ میں مقیم سماجی کارکن اسیت بنرجی نے کہا کہ جہاں تک لاک ڈاؤن پر مکمل طور پر عمل کرنے کی بات ہے گڑیا ہاٹ جیسے علاقوں کے بعض علاقوں میں لاک ڈاؤن کے باوجود لوگوں کی بھیڑ ہے جب کہ ان علاقوں میں اقلیتی طبقے کے لوگ نہیں رہتے ہیں۔انہوں نے کہا کہ جن علاقوں میں لاک ڈاؤن پر صحیح سے عمل نہیں ہورہا ہے اس کی کچھ سماجی اور معاشرتی وجوہات بھی ہیں جس کو نظرانداز نہیں کیا جاسکتا ہے۔