مغربی بنگال بی جے پی کے قومی ایگزیکٹیو کمیٹی کے ممبر مکل رائے سے دو گھنٹے سے زائد وقفے تک مغربی بنگال سی آئی ڈی نے ترنمول کانگریس کے ممبر اسمبلی ستیہ جیت بسواس کے قتل معاملے میں پوچھ گچھ کی گئی ہے۔جس کا قتل 2019میں ہوا ہے ۔ اس کیس میں بی جے پی کےرہنما مکل رائے سے مسلسل پوچھ تاچھ کی جارہی ہے۔
بسواس ندیاکو جو ضلع کے کرشنا گنج اسمبلی حلقے سے ممبر اسمبلی تھے، فروری 2019میں ہنس کھالی علاقے میں پوجا پنڈال سے نکلتے وقت گولی ماردی گئی تھی ۔
اس معاملے میں پولس نے چار مشتبہ افراد اور ہنس کھالی پولس اسٹیشن کے آفیسر انچارج کو گرفتار کیا گیا تھا ۔اس شکایت میں رانا گھاٹ سے بی جے پی کی ممبر پارلیمنٹ جگن ناتھ سرکار کا نام بھی ایف آئی آر میں شامل ہے ۔سرکاری کی اہلیہ نے ایف آئی آر درج کی تھی۔
کلکتہ ہائی کورٹ نے گزشتہ مہینے 7مارچ تک گرفتاری پر روک لگادی تھی ۔اس کے علاوہ پیشگی ضمانت بھی منظور کرلی گئی تھی ۔ اس کے بعد مکل رائے کو سی آئی ڈی نے سمن جاری کرکے پیش ہونے کی ہدایت دی تھی مگر مکل رائے نے یہ کہتے ہوئے مہلت لی تھی کہ وہ شہر کے باہر ہیں ۔تاہم آج وہ سی آئی ڈی کے ہیڈ کوارٹر میں پیش ہوئے ۔
