لوگوں سے صبر تحمل کامظاہرہ کرنے کی اپیل

بنگلہ فلموں کی مشہوراداکارہ ریتو پرنا سین گپتا نے مغربی بنگال سے شہریت ترمیمی ایکٹ کے خلاف مظاہرے کے دوران صبر وتحمل سے کام لینے کا مشورہ دیا ہے۔

واضح رہے کہ ملک کی مختلف ریاستوں کی طرح مغربی بنگال میں مرکزی حکومت کی جانب سے پاکیے گیے شہریت ترمیمی ایکٹ کے خلاف پرُتشددن مظاہرے کا سلسلہ جاری ہے ۔

مظاہرے کے دوران ریاست کے تمام اضلاع میں عام لوگ سڑکوں پر اتر آ ئے ہیں جس کی وجہ سے درجنوں ٹرینیں معطل کردی گئی ہے جبکہ قومی شاہراوں پر ٹریفک نظام پوری طرح سے درہم برہم ہے۔

نامور اداکارہ ریتوپرنا سین گپتا نے کہاکہ شہریت ترمیمی ایکٹ اور این آرسی سنگین مسئلہ ہے۔ اس پر واضح طور پر کچھ کہا نہیں جاسکتا ہے۔ اتنا ضرور ہے کہ اس کو اور بہترطریقے سے پیش کیا جا سکتا تھا۔

انہوں نے کہاکہ میں ایک اداکارہ ہوں۔ میں ہمیشہ ہی امن کی بات کرنا پسند کرتی ہوں۔ مغربی بنگال ہماری ریاست ہے۔ ہم یہاں رہتے ہیں۔ کبھی بھی نہیں چائیں گے کہ یہاں کچھ ہو ا۔

اداکارہ نے کہاکہ میں لوگوں کومغربی بنگال سے شہریت ترمیمی ایکٹ کے خلاف مظاہرے کے دوران صبر وتحمل سے کام لینے کا مشورہ دیناچاہوں گی۔

ریاست مغربی بنگال میں سکیورٹی کی صورتحال بہترہوگی تو لوگوں کو بھی سکون سے زندگی گزارنے کا موقع ملے گا۔ براوقت آتا ہے اور چلا بھی جاتاہے۔ ہمیں صبر وتحمل سے کام لینا چاہیے

: