کولکاتا: پارتھو چٹرجی نے ترنمول چھوڑنے والوں کو بتایا مفاد پرست

ترنمول کانگریس کے سینئر رہنما اور وزیر تعلیم پارتھو چٹرجی نے پارٹی چھوڑ کر جانے والوں کو مفاد پرست قرار دیا ہے۔

حکمراں جماعت ترنمول کانگریس کے سینئر رہنما پارتھو چٹرجی نے کہا کہ پارٹی کو چھوڑ کر جانے والوں کو نہ عوام کی فکر اور نہ پارٹی کی۔

انہوں نے کہا کہ پارٹی سے مفاد پرست لوگوں کو پہچاننے میں بڑی غلطی ہوئی، جس کا خمیازہ بھگتنا پڑ رہا ہے۔

ترنمول کانگریس بھون میں پریس کانفرنس کو خطاب کرتے ہوئے سینئر رہنما اور وزیر تعلیم پارتھو چٹرجی نے کہا کہ پارٹی چھوڑ کر جانے والے لوگ مفاد پرست ہیں۔ ان سے اس سے زیادہ امید نہیں کی جا سکتی ہے۔

پارتھو چٹرجی نے پارٹی چھوڑ کر جانے والوں کی تنقید کی

انہوں نے کہا کہ ترنمول کانگریس ماں ماٹی مانش کی جماعت ہے۔ عوام کی حمایت حاصل ہے اور اس کی بدولت ہی ہم تیسری مرتبہ اقتدار میں آئیں گے۔

واضح رہے کہ گزشتہ روز راجیب بنرجی، پرابیر گھوشال، ویشالی ڈالمیا، راتھن چکرورتی اور پارتھا شارتھی چٹرجی جیسے مشہور رہنما ترنمول کانگریس کو چھوڑ کر بی جے پی میں شامل ہو گئے۔