پارک سرکس کی خواتین کو ملا بینک ملازمین کا ساتھ

سی اے اے اور این آر سی کے خلاف لڑائی پورے ملک میں جاری ہے اور اب تک سینکڑوں شاہین باغ وجود میں آ چکا ہے کولکاتا کے پارک سرکس میدان میں بھی دہلی کی شاہین باغ کی خواتین کی طرح لگاتار گزشتہ 24 روز سے دھرنا جاری ہے اور روز بہ روز ان کی حمایت میں لوگ سامنے آ رہے آج مغربی بنگال بینک ملازمین کی تنظیم نے پارک سرکس میدان میں جاری خواتین کی تحریک کی حمایت کا اعلان کیا

مغربی بنگال کے دارلحکومت کولکاتا کے پارک سرکس میدان میں سی اے اے اور این آر سی کے خلاف جاری احتجاج کو سماج کے ہر طبقے کی جانب سے اس تحریک کو حمایت مل رہی ہے۔ آج مغربی بنگال بینک ملازمین کی تنظیم نے پارک سرکس میدان میں پہنچ کر دھرنے پر بیٹھیں۔

خواتین کی جانب سے جاری اس تحریک کو ہر طرح سے حمایت کرنے کا اعلان کیا ۔ مغربی بنگال بینک امپلائز فیڈریشن ومینس سب کمیٹی کی ارکان آج پارک سرکس میدان میں جاری خواتین کی تحریک کی حمایت کرنے پہنچی تھیں۔

پارک سرکس کی خواتین کو ملا بینک ملازمین کا ساتھ

تنظیم کی جانب سے اس تحریک کی حمایت کا اعلان کیا گیا ۔ ہر طرح سے اس تحریک میں شامل خواتین کی مدد کرنے کا بھی اعلان کیا گیا ہے۔ مغربی بنگال بینک امپلائز فیڈریشن ومینس سب کمیٹی کی ارکان نے ای ٹی وی بھارت سے بات کرتے ہوئے کہا کہ ہماری ماں بہنیں جو سی اے اے اور این آر سی کے نام پر جو ایک سازش ہورہی ہے۔

اس کے خلاف لڑ رہی ہیں ہم ان کا ساتھ دینے کے لئے آئیں ہیں۔ ان کے جذبے کو سلام کرتے ہیں۔ اس کے ساتھ ہی ہم یہاں دھرنے پر بیٹھی خواتین کے لئے کچھ ضروری اشیاء بھی لائیں ہیں۔ بینک امپلائز فیڈریشن ویمینس کی جانب سے ہماری معمولی سی کوشش ہے۔

پارک سرکس کی خواتین کو ملا بینک ملازمین کا ساتھ

مستقبل میں بھی ہم ان کی ہرطرح کی مدد کے لئے تیار ہیں۔ انہوں نے کہا کہ ایک کاغذ ہماری قسمت کا فیصلہ نہیں کر سکتی ہے ۔ ملک میں اتنی بے روزگاری ہے اور بہت سے مسائل ہیں ان پر باتیں نہیں ہوتی ہے۔

ہندو مسلم تفریق کی کوشش کی جا رہی ہے ایک قانون کے نام پر ہمیں بانٹنے کی کوشش کی جا رہی لیکن ہم ہندوستان کے عوام ایسا،نہیں ہونے دیں گے۔