مغربی بنگال بایاں محاذ اور کانگریس نے مشترکہ طور پر پریس کانفرنس کے دوران کہاکہ ریاستی حکومت نے لاک ڈاؤن کے دوران عام لوگوں تک راشن پہنچانے کی جو بات کہی تھی اس میں وہ پوری طرح سے ناکام رہی ہے۔ اس سے عام لوگوں کی پریشانیاں کم ہونے کے بجائے مزید بڑھ گئی ہے۔
اپوزیشن رہنماؤں کی وزیراعلیٰ پر تنقید بایاں محاذ کے رہنما سوجن چکرورتی نے کہاکہ لاک ڈاؤن کے دوران عام لوگوں کو مناسب مقدار میں راشن نہیں مل پارہا ہے۔لوگو ں کو دشواریوں کا سامنا کا سامنا کر نا پڑ رہا ہے۔
انہوں نے کہاکہ ریاستی حکومت اس ضمن میں پوری طرح سے ناکام ثابت ہوئی ہے۔ حکومت کو سلسلے میں ٹھوس حکمت عملی بنانے کی ضرورت تھی۔ لیکن وہ ایسا نہیں کرپائی ہے۔
بایاں محاذ کے رہنما نے کہاکہ لاک ڈاؤن کو کامیاب بنانے سے زیادہ اہم لوگوں تک راشن پہنچانا ہے۔ لاک ڈاؤن کی مدت میں اضا فہ ہوتا ہے تو حالات اور خراب ہو جائیں گے۔
انہوں نے کہاکہ لوگ کھانے پینے کے سامان اکھٹا کرنے کے لئے سڑکوں پر اتر آئیں گے اس وقت ریاستی حکومت اور مرکزی حکومت دونوں کے لئے حالات کو قابو میں کر پانا ناممکن ہوجائے گا۔کیونکہ ریاست بنگال ملک کی دیگر ریاستوں سے بالکل مختلف ہے۔
اپوزیشن رہنما عبدالمنان نے کہاکہ وزیراعلیٰ کو خط لکھ کر موجودہ حالات پر وضاحت کرنے کا مطالبہ کیا گیا ہے۔ راشن کامسئلہ تو ہے ہی اس کے ساتھ ساتھ کوروناوائرس سے نمٹنے سے متعلق معلومات بھی نہیں ہو پارہی ہے۔
انہوں نے کہاکہ اس بیماری سے متعلق تفصیلات نہیں ہے۔ مریضوں کی تعداد کے بارے میں کوئی کچھ بھی کہنے کو تیار نہیں ہے۔
اس کے علاوہ ریاست میں کوروناوائرس سے مرنے والے لوگوں کی تعداد اب بھی واضح نہیں ہوپائی ہے۔وزیر اعلیٰ کو تمام باتوں کو واضح کرنے کی ضرورت ہے تاکہ عام لوگوں کو بھی پتہ چل سکے کہ ریاست میں کیا چل رہا ہے ۔
