ٹی ایم سی کے ارکان اسمبلی اجلاس سے غیر حاضر رہے

مغربی بنگال اسمبلی کے اسپیکر بمان بنرجی کے وہپ جاری کرنے کے باوجود حکمراں جماعت ترنمول کانگریس کے بیشتر ارکان اسمبلی سیشن میں شامل نہیں ہوئے۔

مغربی بنگال میں اسمبلی انتخابات منعقد ہونے سے قبل اسمبلی میں آخری اسمبلی سیشن کا سلسلہ جاری ہے۔ اسپیکر بمان بنرجی نے اسمبلی سیشن کے دوران حکمراں جماعت ترنمول کانگریس سمیت تمام اپوزیشن جماعتوں کے ارکان اسمبلی کو شرکت کرنے کے لئے وہیپ جاری کیا۔

ریاستی اسمبلی کے اسپیکر بمان بنرجی کے وہیپ جاری کرنے کے باوجود حکمراں جماعت ترنمول کانگریس کے بیشتر ارکان اسمبلی سیشن میں شامل نہیں ہوئے۔

اسمبلی سیشن کے دوران حکمراں جماعت ترنمول کانگریس کے کل 31 ارکان اسمبلی ہی اسمبلی ہال میں موجود تھے۔ حکمراں جماعت ترنمول کانگریس کے ارکان اسمبلی کی غیر موجودگی پر اسپیکر بمان بنرجی نے سخت ناراضگی کا اظہار کیا۔

انہوں نے کہا کہ وہیپ جاری کرنے کا مطلب ہے کہ کسی بھی قیمت پر اسمبلی اجلاس میں شرکت کرنی ہے۔ اگر آپ کسی بھی وجہ سے شرکت نہیں کر پائے تو اس کی پیشگی اطلاع دی جاتی ہے، لیکن کسی نے بھی ایسا نہیں کیا۔

وہیپ جاری کرنے کے باوجود ٹی ایم سی کے ارکان اسمبلی اجلاس سے غیر حاضر رہے

اسپیکر بمان بنرجی کا کہنا ہے کہ وزیر تعلیم پارتھو چٹرجی نے دیگر ارکان اسمبلی کی موجودگی میں دو اہم بل کو پیش کیا جیسے اکثریت سے پاس کر دیا گیا۔

دوسری طرف حزب اختلاف کے رہنما عبدالمنان نے کہا کہ ترنمول کانگریس اپنے ارکان اسمبلی پر سے گرفت کھو چکی ہے۔ اسی وجہ سے وہیپ جاری کرنے کے باوجود حکمراں جماعت ترنمول کانگریس کے ارکان اسمبلی اسملی اجلاس سے غیر حاضر رہے۔

انہوں نے کہا کہ اگر اپوزیشن پارٹیاں عدم اعتماد کی تحریک یا فلور ٹیسٹ کے مطالبے پر اڑ جاتی تو ممتا بنرجی کو اقتدار سے ہاتھ دھونا پڑ سکتا تھا۔