مغربی بنگال کی وزیراعلیٰ ممتابنرجی نے کہاکہ شہریت ترمیمی بل سے ملک کو نقصان ہوچکا ہے۔ مرکزی حکومت ضد پر اڑی رہی تو مستقبل میں بھی نقصان ہونے کا سلسلہ جاری رہے گا۔
انہوں نے کہاکہ شمال مشرق خطہ ماحول بگڑنے کی وجہ سے مغربی بنگال میں بھی اثر پڑسکتا ہے۔
شمالی مشرق خطہ سے بنگال کے سرحد منسلک ہے ۔ اس کی وجہ ہمیں احتیاط برتنےکی ضرورت ہے۔ لوگوں کو حالات پر نظر رکھنے کی ہدایت دی جا تی ہے۔
وزیراعلیٰ نے کہاکہ بنگال کے لوگ ہمارے ہیں تو آسام بھی ہمارا ہے۔ وہاں کے لوگ بھی ہمارے ہیں۔ ان کی پریشانی ہماری پریشانی ہے۔
بنگال میں شہریت ترمیمی بل کاسوال ہی نہیں ہے' ترنمول کانگریس کی سربراہ نے کہاکہ شہریت ترمیمی بل کامیاب نہیں ہو سکتا ہے ۔ شمال مشرق خطہ کی تمام ریاستوں نے شہریت ترمیمی بل نافذ کرنے سے انکار کردیاہے۔
کیرالہ کی حکومت نے بھی شہریت ترمیمی بل نافذ کرنے سے انکار کردیا ہے تو مغربی بنگال میں اسے نافذ کرنے کا سوال ہی نہیں ہوتا ہے۔
انہوں نے کہاکہ مغربی بنگال میں شہریت ترمیمی بل کسی بھی قیمت پر نافذ نہیں ہوگا ۔ نافذ کرنے کا سوال ہی نہیں اٹھتا ہے۔ بنگال کے لوگوں کو فکرنے کی ضرورت نہیں ہے۔
ممتابنرجی نے کہاکہ بنگال کے لوگوں کوشہریت ترمیمی بل کے نام پر ڈرا نے والوں کو اب سبق سکھا یا جا ئے گا ۔ لوگوں کی غلطی ہوچکی ہے اس لیے 18 سیٹیں ملیں اب ایسا نہیں ہوگا۔
انہوں نے کہاکہ مغربی بنگال میں کل انتخابات کرایا جا ئے تو بی جے پی کو کہیں سے بھی جیت نہیں ملے گی۔ بی جے پی کو اب اوقات دکھانے کا وقت آگیا ہے۔
