کولکاتا:مغربی بنگال کی حکمراں جماعت ترنمول کانگرس کی سینئر لیڈر اور ریاستی وزیر ششی پانجا نے پریس کانفرنس کے دوران دعویٰ کیا کہ بی جے پی نے کل رات ابھیشیک بنرجی کو سالگرہ کا تحفہ دیا ہے۔
انہوں نے کہا کہ ہر ایک اہم مواقع پر ابھیشیک بنرجی کو طلب کیا جاتا ہے ۔پنچایات انتخابات کی مہم کے دوران بھی بنرجی کو طلب کیا گیا تھا۔دہلی میں پارٹی کے احتجاج کے دوران بھی طلب کیا گیا تھا ۔اس سے قنل انڈیا اتحاد رابطہ کمیٹی کی میٹنگ کے دن بھی بنرجی کو طلب کیا گیا تھا۔ لوک سبھا انتخابات جیسے جیسے قریب آرہا ہے جانچ ایجنسیوں کی سرگرمیوں میںتیزی آرہی ہے۔
ششی پنجا نے مزید دعویٰ کیا کہ ای ڈی سمن کیس سے دور ہے، ان لوگوں تک کوئی نوٹس نہیں پہنچتا جن کا بی جے پی میں پیسہ بڑھ گیا ہے۔ یہ ہر روز ثابت ہو رہا ہے کہ یہ سیاسی طور پر ہراساں کیا جارہا ہے۔ خیال رہے کہ درگا پوجا کے فوری بعد ریاستی وزیر جیوتری پریہ ملک کو ای ڈی نے گرفتار کیا تھا ۔
یہ بھی پڑھیں:Cash for Querry row مہوا موئترا کے خلاف پارلیمنٹ کے اخلاقیات کمیٹی کی میٹنگ 9نومبر کو
خواتین، بچوں اور سماجی بہبود کی ریاستی وزیر ششی پانجا نے کہاکہ یہ ایسی تحقیقات ہے کہ اس کا کوئی خاتمہ نہیں ہے۔ ابھیشیک بنرجی کو کل جانا ہوگا۔ تمام سوالات کے جوابات دیں گے۔ وہ عوامی نمائندے ہیں، ان کے پاس آئی ٹی فائلیں ہیں۔ بی جے پی چاہتی ہے کہ ابھیشیک بنرجی کو انتخابی مہم سے دور رکھا جائے ۔بنگال اسمبلی انتخابات میں بی جے پی کی شکست کے بعد سے ہی جانچ ایجنسیوں کے دریعہ ہم سے بدلا لیا جارہا ہے۔
