Firhad Hakim جانچ ایجنسیوں کے ذریعہ میرے خاندان کو پریشان کیا جا رہا ہے، فرہاد حکیم

ریاستی وزیر فرہاد حکیم نے کہاکہ بی جے پی کی قیادت والی مرکزی حکومت جانچ ایجنسیوں کے ذریعہ انہیں اور ان کے خاندان والوں کو ہراساں کر رہی ہے۔ جانچ ایجنسیوں کے پاس کسی کے خلاف کوئی ثبوت نہیں ہے اس کے باوجود ان کے گھروں پر چھاپہ ماری ماری کر رہی ہے۔

کولکاتا: سی بی آئی نکی ٹیم نے مغربی بنگال کے وزیر اور کولکاتا میونسپل کارپوریشن کے مئیر کے گھر پر میونسپلٹی تقرری میں بدعنوانی کے معاملے میں چھاپہ ماری مہم چلائی۔

کولکاتا کے چیتلہ میں واقع فرہاد حکیم کی رہائش گاہ پر تقریباً ساڑھے 9 گھنٹے تک فرہاد کے گھر کی تلاشی لی گئی۔ سی بی آئی نے ریاستی وزیر تقرری معاملے میں پوچھ گچھ کی۔

ریاستی وزیر فرہاد حکیم نے پریس کانفرنس کو خطاب کرتے ہوئے کہاکہ میں چور نہیں ہوں۔ سیاست میں میرا کیرئیر بالکل صاف شفاف ہے ۔سیاسی انتقام کے تحت جو کارروائی کرائی جا رہی ہے ۔اس سے میرے خلاف کچھ بھی ثابت نہیں کیا جا سکتا ہے کیونکہ میں ایک سماجی کارکن ہوں اور عوام کی خدمت کرنے کے لئے اپنے گھر کا پیسہ استعمال کرتاہوں ۔

انہوں نے کہاکہ جانچ ایجنسیوں نے تلاشی کے نام پر میرے خاندان والوں کو پریشان کر رہی ہے۔انہیں میرے گھر آنے سے پہلے میں جہاں رہتا ہوں وہاں کے لوگوں سے پوچھ گچھ کرتی ہے تو انہیں پتہ چل جاتا کہ میرا سیاسی کیرئیر کیا ہے۔

ان کا کہنا ہے کہ بار بار میرے کیرئیر پر داغ لگانے کی ناکام کوشش کی جا رہی ہے اور یہ سب اس پارٹی کی ہدایت پر کیا جا رہا ہے جس کے کئی رہنما داغ دار ہیں۔