کورونا اور ڈینگی میں مبتلا صفائی ملازم کی موت

مغربی بنگال کے دارالحکومت کولکاتا اور اس کے اطراف میں کورونا کے ساتھ ساتھ ڈینگو کا قہر جاری ہے۔

کولکاتا میونسپل کارپوریشن کے صفائی شعبے کے ملازم کی کورونا اور ڈینگو کے سبب موت ہو گئی۔

مرنے والے ملازم کی شناخت آر زمان کے طور پر ہوئی ہے، ان کی عمر 28 برس بتائی جا رہی ہے۔

کولکاتا میونسپل کارپوریشن کی ایڈمنسٹریٹو کمیٹی کے رکن دیب برت مجمدار نے کہا کہ 'صفائی ملازم گزشتہ کئی دنوں سے بیمار تھے'۔

انہوں نے کہا کہ 'صفائی ملازم کو ہسپتال میں داخل کرایا گیا جہاں ٹیسٹ سے پتہ چلا کہ وہ کورونا مثبت ہیں۔علاج کے دوران ان میں ڈینگو پائے جانے کی تصدیق ہوئی۔'

دیب برت مجمدار کے مطابق گزشتہ سال کے مقابلے اس سال ڈینگو کے کیسز میں کمی آئی ہے لیکن اسے کسی بھی قیمت پر نظر انداز نہیں کیا جا سکتا ۔

واضح رہے کہ 'کولکاتا میونسپل کارپوریشن کے چند ملازمین کی کورونا سے موت ہو چکی ہے، اس کے علاوہ چند ملازمین کی موت ڈینگو کے سبب ہوئی ہے۔'