ندی کے کنارے سے سینکڑوں آدھار کارڈ برآمد

مالدہ کے خیرت پاڑہ میں مہانند ندی گھاٹ کے کنارے سے مقامی باشندوں نے سینکڑوں آدھار کارڈ پائے ہیں۔

مغربی بنگال کے اولڈ مالدہ کے وارڈ نمبر 17 کے خیرت پاڑہ میں مہانند ندی گھاٹ کے کنارے سے سینکڑوں آدھار کارڈ پائے گئے۔

مقامی باشندوں نے اس کی اطلاع پولیس کو دی پولیس اور محکمہ ڈاک کے ملازمین نے جائے وقوع پر پہنچ کر تفتیش شروع کردی۔

پولیس کا کہنا ہے کہ “پورے معاملے کی تفتیش کی جا رہی ہے لیکن اب تک کسی کی گرفتاری عمل میں نہیں لائ گئی ہے۔ "

پولیس نے مزید کہا کہ “یہ ایک سنگین جرم ہے اس معاملے کی سنجیدگی سے تفتیش کی جا رہی ہے۔ ”

دوسری محکمہ ڈاک کا کہنا ہے کہ "ڈیپارٹمنٹل انکوائری کا حکم دیا گیا ہے، اس کے ساتھ ہی پوسٹ آفیس انچارج کو نوٹس بھیج دیا گیا ہےـ"

کاؤنسلر اسمعل خان نے کہا کہ آج گھاٹ کے کنارے آدھار کارڈ پائے گئے یہ ان لوگوں کے ہیں جنہوں نے آدھار کارڈز کو درست کرانے کے لئے پوسٹ آفیس کو دیا تھا۔ "