دسمبر سے کولکاتا میٹرو کے کرایہ میں اضافہ

کولکاتا میٹرو ریلوے کے مطابق آئندہ پانچ دسمبر سے میٹرو کے کرایے میں اضافہ کرنے کا فیصلہ کیا گیا ہے۔ چھ سال بعد کولکاتا میٹرو ریلوے کے کرایہ میں اضافہ کیا جا رہا ہے بہت دنوں سے کرایے میں اضافہ کرنے پر تبادلہ خیال کیا جارہا تھا میٹرو ریلوے کے ترقی اور آمدنی میں اضافے میں مقصد سے کرایے اضافہ کا فیصلہ کیا گیا ہے ۔

چھ برسوں بعد مغربی بنگال کے کولکاتا میٹرو ریلوے نے کرایے میں اضافہ کرنے کا فیصلہ کیا ہے۔ اضافہ شدہ کرایے کے مطابق دو کیلومیٹر کے لئے کم سے کم کرایہ پانچ روپئے دینے ہوں گے ۔ آئندہ 5 دسمبر سے اضافہ شدہ کرایے کا اطلاق ہوگا ۔

آج میٹرو ریلوے کی جانب سے جاری ایک نوٹیفیکیشن میں کہا گیا ہے کہ اب سے 2 کیلو میٹر تک کی دوری کے لئے پانچ روپئے جبکہ دو سے پانچ کیلومیٹر کے لئے دس روپئے،پانچ سے دس کیلومیٹر کے لئے پندرہ روپئے اور 10 سے 20 کیلو میٹر کے لئے 20 روپئے اور 20 کیلو میٹر کے لئے پچیس روپئے کرایہ ادا کرنا پر سکتا ہے ۔

ملک دوسرے میٹرو کے بنسبت اضافے کے بعد بھی کولکاتا میٹرو ریلوے کا کرایہ سب سے کم ہوگا ۔ کرایہ میں اضافہ کے لئے گزشتہ چھ برسوں سے غور کیا جا رہا تھا۔

میٹرو ریلوے کی آمدنی میں اضافے اور ترقی کے لئے کرایے میں اضافے پر بہت دنوں سے غور و فکر جاری تھا ۔