نظر ثانی کے لئے 14ہزار 200 طلباء نے درخواست دی تھی۔ہائر سکنڈری کے نتائج کے بعد سے ریاست کے مختلف جگہوں پر ناکام ہونے والے طلبہ کی طرف سےاحتجاج کیا گیا تھا۔
اس احتجاج کی ایک بڑی وجہ یہ تھی کہ ہائر سکنڈری کے اس بار امتحانات نہیں ہوئے تھے اور گزشتہ کارکردگی کے بنا پر نتائج طے کئے گئے تھے۔
اسی طرز پر مدھیامک بورڈ کے نتائج کا بھی اعلان کیا گیا تھا۔جس میں صد فصد طلبہ کامیاب ہوئے تھے۔لیکن ہائر سکنڈری کے نتائج جب سامنے آیا تو 97 فیصد طلباء ہی کامیاب ہوئے جس کے بعد سے ناکام طلباء کی جانب سے ریاست بھر میں احتجاج کیا جانے لگا اور کامیاب کرنےکا مطالبہ کیا جانے لگا۔جس کے نتیجے میں پہلے سے ہی نکتہ چینی کا شکار ہائر سکنڈری کونسل کی صدر مہوا داس کو نبنو طلب کیا گیا۔اس کے بعد ناکام ہونے والے طلبہ کو نتائج کی نظر ثانی کے لئے درخواست دینے کی ہدایت دی گئی۔
یہ بھی پڑھیں:ہر برس 16اگست کو ’کھیلا ہوبے‘ دیوس کے طور پر منایا جائے گا: ممتا بنرجی
14 ہزار 200 طلباء نے نتائج میں نظر ثانی کے لئے درخواست دی تھی۔پیر کے روزمغربی بنگال کونسل آف ہائر سکنڈری ایجوکیشن کی صدر مہوا داس نے پریس کانفرنس کرکے یہ اعلان کیا کہ نتائج میں نظر ثانی کے بعد تمام طلبہ پاس ہوئے ہیں۔ لہٰذا ہائر سکنڈری بورڈ کے امتحانات کے نتائج بھی صد فیصد ہو گئے ہیں۔انہوں نے مزید کہا کہ کووڈ 19 سے پیدا ہونے والی صورت حال کو مد نظر رکھتے ہوئے تمام طلبہ کو کامیاب کر دیا گیا ہے۔
