کولکاتا: مغربی بنگال کی وزیر اعلیٰ ممتا بنرجی کے اسپین دورہ سے متعلق بھی تفصیلات کو شامل کیا جائے گا ۔بنیادی طور پر، گزشتہ 12 سالوں میں کتنی سرمایہ کاری کی گئی ہے، اس سے متعلق اس میں رپورٹ عام لوگوں کے سامنے پیش کی جا ئے گی۔ اسی طرح حکومت کے کئی محکمے اس معاملے میں شامل ہیں اس پر بھی رپورٹ میں باتیں کی جائیں گی ۔ حکومت یہ جاننا چاہتی ہے کہ کتنی سرمایہ کاری ہوئی ہے اور کتنی پائپ لائن میں ہے۔
دراصل ممتا بنرجی اس کے ذریعہ یہ پیغام دینا چاہتی ہے کہ ان کے دور میں جو سرمایہ کاری کیلئے کوششیں ہوئی ہیںاس سے ریاست میں ترقیاتی کام ہوئے ہیں اور روزگار کے مواقع پیدا ہوئے ہیں۔ تاہم حکومت اس پورے معاملے میں کوئی بھی خامی چھوڑنا نہیں چاہتی ہے۔ کیونکہ اس صورت میں اپوزیشن اس کو ایک موقع کے طور پر استعمال کرے گی ۔اس لیے فیلڈ رپورٹ لی جا رہی ہے۔ ممکن ہے کہ صنعت میں سرمایہ کاری کرتے ہوئے بہت زیادہ روزگار کے مواقع پید نہ ہوئے ہوں۔اس لیے حکومت گراؤنڈ رپورٹ کے ساتھ وائٹ پیپر شائع کرنا چاہتی ہے۔