مغربی بنگال کے ہگلی ضلع کے تیلنی پاڑہ میں گذشتہ دو دن قبل رونما ہونے والے بد ترین فساد جو دو دنوں تک جاری رہا ہے۔
لوگوں کو بڑے پیمانے پر مالی نقصان ہوا ہے۔وزیر اعلی ممتا بنرجی نے ضلع مجسٹریٹ کو فساد متاثرین کی فہرست تیار کرنے کو کہا ہے ساتھ ہی مالی مدد متاثرین تک پہنچانے کے لئے نوڈل افسر کو مقرر کرنے کی ہدایت دی ہے ۔
تیلنی پاڑہ فساد متاثرین کے لئے مالی مدد دینے کا ممتا کا اعلان وزیر اعلی ممتا بنرجی نے تیلنی پاڑہ فساد کے لئے نام لئے بغیر بی جے پی کو مورد الزام ٹہراتے ہوئے کہا کہ ہگلی کے تیلنی پاڑہ میں فساد برپا کرنے والے لوگوں کو بخشا نہیں جائے گا۔
بدھ کے روز نبنو میں میڈیا سے خطاب کرتےہوئے وزیر اعلی ممتا بنرجی نے کہا کہ رمضان کے مقدس مہینے میں ایک جماعت فساد لگانے کی کوشش کر رہی ہے۔
تیلنی پاڑہ فساد متاثرین کے لئے مالی مدد دینے کا ممتا کا اعلان کوئی غلط فہمی کا شکار نہ ہو فساد برپا کرنے والوں کے خلاف سخت کارروائی کرنے کی پولس کو ہدایت دی گئی ہے ۔کسی کو نہیں بخشا جائے گا ۔تیلنی پاڑہ میں فرقہ وارانہ فساد میں متعدد گھروں کو بری طرح نقصان پہنچایا گیا ہے آج ممتا بنرجی نے فساد متاثرین کے لئے مالی معاوضہ دینے کا اعلان کیا.
اس سلسلے میں وزیر اعلی ممتا بنرجی نے کہا کہ جن کے مکانات جلائے گئے ہیں ان کو معاوضہ دیا جائے گا۔جن کا نقصان ہوا ہے ایسے افراد کی سیک فہرست ضلع مجسٹریٹ بھیجیں گے ۔
واضح رہے کے تیلنی پاڑہ میں رونما ہونے والے بد ترین فساد میں پچاس سے زائد گھروں کو بری طرح نقصان پہنچایا گیا ہے گھروں میں لوٹ مار مچائی گئی ہے۔متعدد افراد زخمی ہوئے ہیں ۔
