مغربی بنگال کے گورنر جگدیپ دھنکر West Bengal Governor Jagdeep Dhankhar نے ایک بار پھر وزیراعلیٰ ممتا بنرجی کو تنقید کا نشانہ بنایا ہے۔ گورنر جگدیپ دھنکر نے ممتابنرجی کی حکومت پر تنقید کرتے ہوئے کہا کہ ریاست میں اعلیٰ حکام آفیسرز پارٹی ورکرس کے طور پر کام کرتے ہیں۔
گورنر جگدیپ دھنکر نے بین الاقوامی حقوق انسانی International Human Rights Day کے موقع پر ممتا بنرجی کی قیادت والی ریاستی حکومت کو ہدف تنقید بناتے ہوئے کہا کہ ریاست میں حقوق انسانی کی پامالی عام بات ہے۔
انہوں نے کہا کہ مغربی بنگال میں آئی اے ایس، آئی پی ایس، کولکاتا پولیس اور مغربی بنگال پولیس کے بیشتر اعلیٰ افسران قومی فریضہ بھول چکے ہیں۔ وہ کسی کو خوش کرنے کی کوشش میں مصروف رہتے ہیں۔
ان کا کہنا ہے کہ ریاست کے اعلیٰ افسران جب ایک فرد یا جماعت کے لئے کام کرنے لگے تو سمجھ لیجیے کے وہاں عام لوگوں کی ایک نہیں چلتی۔ ریاست میں عام آدمی خوفزدہ ہے کیوں کہ سیاسی رہنماؤں اور ورکرز کا دبدبہ ہے۔