کولکاتا:مغربی بنگال میں پنچایت انتخابات کی تاریخ کے اعلان کے بعد سے ہی تشدد کا بازار گرم ہے۔ ریاست کے بیشتر اضلاع میں سیاسی جماعتوں کے حامیوں کے درمیان خونی جھڑپوں کا سلسلہ جاری ہے۔ جنوبی 24 پرگنہ کے بھانگوڑ اور شمالی دیناج پور کے چوپڑا میں سیاسی جماعتوں کے حامیوں کے درمیان اب تک متعدد افراد ہلاک ہو چکے ہیں۔ مغربی بنگال کے گورنر سی وی آنند بوس نے بھانگوڑ کے تشدد زدہ علاقوں کے دورے کے دوران مقامی باشندوں سے ملاقات کی اور وہاں کی موجودہ صورتحال پر تبادلہ خیال کیا۔گورنر سی وی آنند بوس نے بھانگوڑ دورے کے دوران نامہ نگاروں سے بات چیت کرتے ہوئے کہاکہ مغربی بنگال میں جو کچھ بھی ہو رہا ہے۔اس پر بے حدافسوس ہے۔
گورنر سی وی آنند بوس نے کہاکہ انتخابات میں عام لوگ حصہ لیتے ہیں تو پھر انہیں اس عمل سے روکنے کی کیا ضرورت ہے۔اسی کی وجہ سے ریاست میں گزشتہ چند دنوں سے بھیانک تشدد کے واقعات رونما ہوئے ہیں۔اس کے لئے کسی نا کسی کو ذمہ داری تو لینی پڑے گی۔انتخابی کمیشن کہاں ہے؟،پولیس انتظامیہ کہاں ہے وہ کررہی تھی۔ مغربی بنگال کے گورنر نے کہاکہ ہم نے نیوز چینلز پر جنوبی 24 پرگنہ کے بھانگوڑ میں ہوئے تشدد کے واقعات دیکھے،اس سلسلے میں کئی اہم معلومات حاصل کی۔اس دوران جانی اور مالی نقصان پر بے حد افسوس ہے لیکن اتنا ضرور کہنا چاہوں گا کہ تشدد میں ملوث لوگوں کو کسی بھی قیمت پر بخش نہیں جائے گا۔