Governor CV Anand Bose گورنر ہائوس پر عوام کا اعتماد بڑھ رہا ہے: گورنر سی وی آنند بوس

مغربی بنگال کے گورنر سی وی آنند بوس نے آج دعویٰ کیا ہے کہ گورنر ہائوس پر ریاست کے عوام کا اعتماد اور بھروسہ بڑھ رہا ہے۔ انہوں نے کہا کہ ان کے ذریعہ راج بھون میں قائم ’امن روم‘ میں شکایت کرنے والوں کی تعداد دن بدن اضافہ ہورہا ہے۔ پنچایت انتخابات کے دوران تشدد سے متعلق شکایات درج کرانے کےلئے ’امن کمرہ‘ قائم کیا گیا ہے ۔ راج بھون سے ان کے لیے ای میل اور فون نمبر بھی فراہم کیے گئے ہیں۔

کولکاتا: مغربی بنگال کے گورنر سی وی آنند بوس کے مطابق ای میل آئی ڈی اور فون نمبر پرتشدد سے متعلق مسلسل شکایتیں موصول ہورہی ہیں۔یہ تمام شکایتیں ریاستی الیکشن کمشنر اور ریاست کو بھی بھیجی جارہی ہیں۔ راج بھون ذرائع کے مطابق راج بھون میں تقریباً 400 شکایات درج کی گئی ہیں۔ جس میں حکمران جماعت کے ورکروں کے بھی شکایت ہے۔ گورنر سی وی آنند بوس نے راج بھون میں بنائے گئے پیس روم کا آج دورہ کیا۔

دورے کے بعد انہوں نے کہاکہ شکایات کی تعداد میں آنے کا مطلب یہ نہیں ہے کہ ریاست میں تشدد کے واقعات میں اضافہ ہواہے۔ لیکن یہ کہا جا سکتا ہے کہ پیس روم پر لوگوں کا اعتماد بڑھ رہا ہے۔

تاہم گورنر نے اس اہمیت کی بھی وضاحت کی ہے کہ عام لوگوں کی شکایات کو انتخابات کی بنیاد پر دیکھا جا رہا ہے۔انہوں نے کہاکہ راج بھون ان شکایات کو الگ کرتا ہے جو ریاست کو دینے کی ضرورت ہے اور جو الیکشن کمیشن کو دینے کی ضرورت ہے، انہیں دی جا رہی ہے۔ دونوں طرف فوری اقدامات کیے جا رہے ہیں۔

انہوں نے کہا کہ میں یہ وزیر اعلیٰ پر چھوڑتا ہوں کہ حکومت کو کیا کرنا ہے۔ میں سمجھوں گا کہ آئین کے مطابق کیا کرنا ہے۔ مجھے کوئی سیاسی بات نہیں کہنی ہے۔ امن اور ہم آہنگی کو برقرار رکھنے کی میں کوشش کرررہا ہے۔اختیارات سے کوئی تجاوز نہیں کررہا ہے ۔گورنر نے تشدد زدہ علاقے بھانگر کا دورہ کیا ۔ اپنے کاغذات نامزدگی جمع نہ کرانے والے امیدواروں سے بات کی۔

اس کے علاوہ گورنر نے جنوبی 24 پرگنہ کے کیننگ ایریا کا بھی دورہ کیا۔ تاہم، انہوں نے قریبی حلقوں سے کہا کہ جہاں بھی تشدد ہوگا وہ انتخابات پر توجہ مرکوز کریں گے۔ گورنر نے بھانگر اور کیننگ کے دورے کے فوراً بعد راج بھون میں اس امن کمرہ کا افتتاح کیا۔

یواین آئی۔