MLA Salary Hike Bill ارکان اسمبلی اور ریاستی وزراء کی تنخواہوں میں اضافے سے متعلق بل کو گورنر کی منظوری

گورنر سی وی آنند بوس نے وزرا اور ریاست کے ممبران اسمبلی کی تنخواہوں میں اضافے سے متعلق بل کو منظوری دے دی ہے۔ بل پر دستخط کر نے کے بعد راج بھون سے منگل کو ریاستی حکومت کے ہیڈ کوارٹر نبنو بھیج دیا گیا ہے۔ WB Governor Signs MLA Salary Hike Bill

کولکاتا: مغربی بنگال کے سی وی آنند بوس نے ارکان اسمبلی اور وزرا کی تنخواہ میں اضافے سے متعلق بل کو ہری جھنڈی دیکھا دی ہے۔ قیاس لگائے جا رہے تھے کہ وزراء اور ارکان اسمبلی کی تنخواہوں میں اضافے سے متعلق بل پر بحث ہو سکتی ہے۔ یہ بل پیر کو بھی پیش کیا گیا لیکن بل پر کوئی بحث نہیں ہوسکی۔ آخر میں تعزیتی تجویز پیش کرنے کے بعد اجلاس ملتوی کر دیا گیا۔

قائد حزب اختلاف شبھندو ادھیکاری نے دعویٰ کیا کہ اسمبلی میں کسی بھی مالیاتی بل کو منظور کرنے کے لیے گورنر کی منظوری لازمی ہے۔ اس سلسلے میں گورنر نے ان دونوں بلوں میں سے کسی کو بھی منظور نہیں کیا ہے جسے ریاستی حکومت اسمبلی میں منظور کرانا چاہتی ہے۔ چنانچہ جب تعزیتی تجویز کے بعد اجلاس ملتوی کردیا گیا تو بی جے پی کے اراکان اسمبلی نے اسمبلی ہال کے اندر اور باہر احتجاج کیا۔

تاہم، گورنر کے بل پر بحث کرنے کی اجازت ترنمول کانگریس کے لیے راحت کی خبر ہے۔ کیونکہ سات ستمبر کو قانون ساز اسمبلی میں وزیر اعلیٰ نے وزراء اور ایم ایل اے کی تنخواہوں میں اضافے کا اعلان کیا تھا اور معاملہ راج بھون اور نبنو کے بیچ جاری کشمکش میں الجھ گیا۔

حالانکہ فائل منگل کو جاری نہیں ہوئی تھی لیکن سرکاری انتظامیہ میں بدھ سے پوجا کی چھٹی شروع ہو رہی ہے۔ اس لیے گورنر کی منظوری ملنے کے بعد بھی فائل کو اگلے دسمبر تک انتظار کرنا پڑے گا۔