بنگال کے گورنر کے ساتھ سیاسی پارٹیوں کی میٹنگ

ریاست مغربی بنگال کے گورنرکیسری ناتھ تریپاٹھی نے بنگال کے موجودہ حالات کے پیش نظرجمعرات کو ریاست کے چار بڑی پارٹیوں ترنمول کانگریس، بی جے پی، کانگریس اور سی پی آئی ایم کے ساتھ میٹنگ کریں گے۔

اطلاعات کے مطابق میٹنگ میں ریاست کے امن و امان کی صورتحال پر تبادلہ خیال کیا جائے گا۔
جمعرات کے شام چار بجے گورنر نے سبھی پارٹیوں کو راج بھون میں میٹنگ کے لئے بلایا ہے۔
میٹنگ میں ترنمول کانگریس کے ترجمان کے طور پر پارتھو چٹرجی ، بی جے پی سے دلیپ گھوش،سی پہ آئی ایم سے سوریہ کانت مشرا اور کانگریس کے ترجمان سومن مترا شامل ہوں گے ۔
واضح رہے کہ 2019 کے لوک سبھا انتخابات کے بعد سے ہی بنگال میں پر تشدد واقعات رونما ہونے لگے تھے ۔
گزشتہ دنوں سندیش کھالی میں تین لوگوں کی موت ہوئی تھی جن میں دو بی جے پی اور ایک ترنمول کانگریس کے کارکن تھے۔.