کولکاتا:مغربی بنگال میں پنچایت انتخابات کے اعلان کے بعد سے ہی ریاست کے بیشتر اضلاع میں تشدد کا بازار گرم ہے۔دارالحکومت کولکاتا سے متصل جنوبی24 پرگنہ کے بھانگوڑ اور شمالی دیناج پور کے چوپڑا میں خونی جھڑپ میں متعدد افراد ہلاک ہو چکے ہیں۔جنوبی 24 پرگنہ کے بھانگوڑ اور کیننگ میں اب بھی تشدد کا بازار گرم کے۔
اسی درمیان مغربی بنگال کے گورنر سی وی سی آنند بوس نے ریاست میں تین سطحی پنچایتی انتخابات کے لیے دو دن پہلے نامزدگی داخل کرنے کے حوالے سے جنوبی 24 پرگنہ ضلع کے بھانگر میں تشدد کے پیش نظرہفتہ کو ریاستی الیکشن کمشنر راجیو سنہا کو صورتحال سے آگاہ کرانے کے لئے راج بھون طلب لیا۔
قبل ازیں مسٹر بوس نے جمعہ کو تشدد سے متاثرہ بھانگڑ کا دورہ کیا تھا۔ انہوں نے یہ سن کر حیرت کا اظہار کیا کہ بنگال میں انتخابی تشدد میں لوگوں کی موت کا سلسلہ نہیں رک رہا ہے۔