مغربی بنگال کو ویکسین کم دیےگئے: ممتا بنرجی

مغربی بنگال کی وزیراعلی ممتا بنرجی نےمرکزی حکومت پر الزام لگایا کہ اس نے مغربی بنگال کو ضرورت سے کم ویکسین فراہم کی۔

مغربی بنگال میں منعقد ہونے والے اسمبلی انتخابات کو لے کر سیاسی جماعتوں کی سرگرمیوں کے ساتھ ساتھ کورونا ویکسینیشن کو بھی لے کر سیاست تیز ہو گیی ہے۔

وزیراعلی ممتا بنرجی نے کورونا ویکسینیشن سے متعلق مرکز پر نکتہ چینی کی۔اور ریاستی حکومت کے ساتھ امتیازی سلوک برتنے کا الزام لگایا۔وزیراعلی ممتا بنرجی نے کہا کہ مرکزی حکومت نے جان بوجھ کر ریاست مغربی بنگال کو کورونا ویکسین کے ڈوز کم تعداد میں بھیجے ہیں۔

ممتا بنرجی کا کہنا ہے کہ مرکزی حکومت ہر چیز میں سیاست کرتی آئی ہے اور اس مرتبہ کورونا ویکسین کو لے کر ریاست کے ساتھ سیاست کی ہے۔ انہوں نے کہا کہ مرکزی حکومت کی سیاست کے سبب ملک کی دوسری ریاستوں کے مقابلے مغربی بنگال میں بہت ہی کم لوگوں کو کورونا ویکسین لگائی جا سکی۔