جی ایس ٹی پرمغربی بنگال میں سہ روزہ میٹنگ

ریاستی وزیر مالیات امت مترا نے جی ایس ٹی سے متعلق ملک کی تمام ریاستوں کے وزیرمالیات کی ایک اہم میٹنگ طلب بلائی ہے۔

مغربی بنگال کے وزیرمالیات امت مترا کی جانب سے جی ایس ٹی پربحث کے لئے ملک کی تمام ریاستوں کے وزیرمالیات کی ایک اہم میٹنگ بلائی ہے ۔ سہ روزہ میٹنگ کے دوران جی ایس ٹی سے ہونےو الے نقصانات اور ٹیکس کی ادائیگی پر بحث ہوگی ۔

ترنمول کانگریس کی جانب سے شائع پریس ریلیز میں کہاگیا ہے کہ وزیرمالیات کی جانب سے بلائی گئی اہم میٹنگ میں جی ایس ٹی سے ہونےو الے نقصانات اور ملکی معیشت کی تباہی پر تبادلہ خیال کیا جائے گا ۔

جی ایس ٹی پرمغربی بنگال میں سہ روزہ میٹنگ

وزیرمالیات نے پریس کانفرنس کے دوران کہاکہ جی ایس ٹی کی ناکامی کیے چار اسباب ہیں۔ ان پر تبادلہ خیال ضروری ہے۔ ملک کی تمام ریاستوں کے وزیرمالیات ایک ساتھ بیٹھ کر اس پر تبادلہ خیال کریں گے تو مرکزی حکومت کی غلطی پر انگلی اٹھا ئی جا سکتی ہے۔

انہوں نے کہاکہ جی ایس ٹی ایک ناکام پالیسی ہے۔ اس سے نہ صرف چھوٹے پیمانے کے تاجروں کو نقصان ہو ابلکہ بھارت کی معیشت بھی تباہ ہو گئی ہے۔

ریاستی وزیر مالیات نے کہاکہ اس میں کئی خامیاں ہیں۔ ان خامیوں کو دور کیے بغیر اس پرزیادہ دنوں تک عمل نہیں کیا جا سکتا ہے۔ مرکزی حکومت اگر جی ایس ٹی پر بضد رہی تو مستقبل میں بھارتی معیشت پوری طرح سے ناکام ہو جانے کا خطرہ ہے۔

انہوں نے کہاکہ مرکزی وزیر خزانہ کو اس سلسلے میں خلط لکھا گیا ہے۔ مگر ان کی طرف سے اب تک جواب نہیں ہے۔ ہم سب جی ایس ٹی سے متعلق اہم میٹنگ کا اہتمام کررہے ہیں۔ اس میٹنگ کے ذریعہ بگڑتی معیشت کو بچانے کی کوشش ہے۔