Bengal Education Minister Brata Basu وائس چانسلرز سے براہ راست حساب طلب کرنے پر وزیر تعلیم کی گورنر پر تنقید

گورنر اور ممتا حکومت کے درمیان ایک بار پھر تنازع شروع ہو گیا ہے۔ وزیر تعلیم نے گورنر کے ذریعہ ریاست کی تمام یونیورسٹیوں کو بھیجے گئے خط پر سوال کھڑا کیا ہے۔ انہوں نے کہا کہ ہمیں دیکھنا ہے کہ خط درست ہے یا نہیں۔ میں نے ہائیر ایجوکیشن محکمہ کے سیکرٹری سے قانونی مشورہ لینے کی ہدایت دی ہے۔

کولکاتا: مغربی بنگال کے گورنر سی وی آنند بوس پر تنقید کرنے کے ساتھ ریاستی وزیر تعلیم برتیہ باسو نے سابق گورنر گوپال کرشن گاندھی اور جگدیپ دھنکھر سے موازنہ کیا۔ راج بھون اور نوبنوکے درمیان تنازع گورنر کے حالیہ ہدایات کے بعد شروع ہوا ہے۔اس میں ریاستی یونیورسٹیوں کے عبوری وائس چانسلرز کو یونیورسٹی کے ہفتہ وار کام کی رپورٹ راج بھون میں چانسلر کو بھیجنے کی ہدایت دی گئی ہے۔ تمام مالیاتی لین دین کے لئے گورنر بوس کی پیشگی منظوری ضروری ہے۔ اس سلسلے میں راج بھون سے یونیورسٹیوں کے وائس چانسلروں کو ہدایات موصول ہوئی ہیں۔ گورنر کی ہدایت کے بارے میں برتیا نے کہا کہ یہ خط اعلیٰ تعلیم کے محکمے کو مکمل اندھیرے میں رکھتے ہوئے وائس چانسلرز کو بھیجے گئے ہیں۔ وزیر تعلیم نے یہ سوال بھی اٹھایا ہے کہ کیا ریاستی حکومت کو بتائے بغیر خط بھیجا جا سکتا ہے؟۔

بنگال حکومت اور نو منتخب گورنر کے درمیان چند مہینے تک دوستانہ تعلقات قائم رکھنے کے بعد پھر تنازع کی شروعات ہوگئی ہے۔راج بھون کے پرنسپل سکریٹری کے عہدے سے نندنی چکرورتی کو ہٹائے جانے کے بعد راج بھون اور نبنو کے درمیان تنازع ایک بار پھر شروع ہوا۔ ابھی تک راج بھون کے چیف سکریٹری کا عہدہ خالی ہے کیونکہ نوانا کی بھیجی گئی فہرست میں سے کسی بوس کا انتخاب نہیں کیا ہے۔ حالانکہ گورنر کو لے کر بی جے پی میں اختلاف ہے۔ بی جے پی کے ریاستی صدر سکانتا مجمدار نے گورنر کے بارے میں کوئی منفی تبصرہ نہیں کیا ہے، اپوزیشن لیڈر سبیندو ادھیکاری نے ان پر حملہ جاری رکھا ہے۔