شمالی بنگال میں زلزلے کے جھٹکے

زلزلے کے جھٹکے سے شمالی بنگال کے کئی اضلاع لرز اٹھا۔ لوگوں میں دہشت پھیل گئی۔لیکن اب تک کہیں سے کوئی جانی نقصان ہونے کی اطلاع نہیں ہے۔متعدد اضلاع میں شدید خوف و ہراس کا ماحول ہے ۔اطلاعات کے مطابق 5.1ریکٹر سیل درج کیا گیا ہے۔

مغربی بنگال کے شمالی بنگال کے اضلاع جلپائی گوڑی،کوچ بہار،علی پور دوار اور سلی گوڑی میں آج رات سات بج کر 18 منٹ پر زلزلے کے جھٹکے محسوس کئے گیے۔

زمین سے10کلومیٹر نیچے زلزلے کے جھٹکے محسوس کیے گئے۔ اسکی وجہ سے کئی علاقوں میں زمین اور سڑک پر دراڑیں محسوس کی گئی ہیں۔زلزلے کے اچانک کے جھٹکے سے پورے بنگال میں شدید خوف و ہراس کا ماحول ہے۔ گھبراہٹ میں بہت سے لوگ سڑک پر آگئے۔ ابھی تک ہلاکتوں کی کوئی اطلاع موصول نہیں ہوئی ہے۔

شمالی بنگال میں زلزلے کے جھٹکے

ذرائع کے مطابق شمالی بنگال میں اضلاع جلپائی گوڑی،کوچ بہار،علی پور دوار اور سلی گوڑی میں چھ سکنڈ تک زلزلے کے جھٹکے محسوس کئے گئے۔ اس کی شدت تقریبارییکٹراسکیل پر پانچ بتائی گئی ہے۔

ذرائع کے مطابق زلزلے کا مرکز آسام کے بنگاگوتھا۔زلزلے کے مرکز سے لے شمالی بنگال تک کہیں سے بھی کسی جانی نقصان کی اطلاع موصول نہیں ہوئی ہے۔

18 دسمبر 2018 میں بھی شمالی بنگال کے بیشتر اضلاع میں زلزلے کے جھٹکے محسوس کئے گئے تھے۔ اس دوران کئی لوگوں کی موت ہوئی تھی اور متعدد افراد زخمی ہو ئے ۔

اس کے علاوہ تمام اضلاع میں کافی مالی نقصان ہونے کی اطلاع موصول ہوئی تھی ۔