Drugs Recovered in Kolkata کروڑوں روپے کی ہیروئن کے ساتھ ایک گرفتار

کولکاتا پولیس کی اسپیشل ٹاسک فورس کی ٹیم نے شمالی 24 پرگنہ کے بارانگرتھانہ علاقے میں خصوصی چھاپہ ماری مہم کے دوران ایک شخص کو گرفتارکرکے کروڑوں روہے کی منشیات ضبط کی ۔ایس ٹی ایف نے چھاپہ ماری کارروائی کے دوران لاکھوں روپے نقد بھی برآمد کئے۔Drugs Recovered From Baranagar

مغربی بنگال کے شمالی 24 پرگنہ کے بارانگر تھانہ علاقے میں کولکاتا پولیس کی اسپیشل ٹاسک فورس کی ٹیم نے سنتھی موڑ علاقے میں خصوصی چھاپہ ماری مہم کے دوران ایک شخص کو گرفتارکرکے کروڑوں روہے کی منشیات ضبط کی ۔ایس ٹی ایف نے چھاپہ ماری کے دوران لاکھوں روپے نقد بھی برآمد کئے۔West Bengal: Drugs worth crores, lakhs of Rs seized by Kolkata Police

ذرائع کے مطابق کولکاتا پولیس کی اسپیشل ٹاسک فورس کی ٹیم بارانگر تھانہ کے تحت سنتھی موڑ پر علاقے میں خصوصی تلاشی مہم چلائی ۔ایس ٹی ایف کو سڑک کے کنارے ایک گاڑی پڑی ملی ۔گاڑی کی تلاشی کے دوران کروڑوں روپے کی ہیروئن ضبط کی گئی ۔چھاپہ ماری کے دوران گاڑی سے ایک لاکھ 70 ہزار روپے بھی برآمد کئے گئے ۔

ایس ٹی ایف ذرائع کے مطابق گاڑی کی تلاشی کے دوران پاس کے ایک ہوٹل سے ایک شخص کی گرفتاری عمل میں آئی ۔وہ شخص گاڑی کا ڈرائیور تھا۔اس سے پوچھ گچھ کی گئی تواس سلسلے میں حیران کن معلومات حاصل ہوئی ۔

ذرائع کے مطابق گرفتار شخص کی شناخت روی رائے کے طور پر ہوئی ہے ۔وہ ہگلی ضلع کے کون نگر کا باشندہ ہے ۔اس سے پوچھ گچھ کی جارہی ہے اور یہ پتہ لگانے کی کوشش کی جارہی ہے کہ وہ کروڑوں روپے کی ہیروئن کہاں سے لایا اور کہاں لے جارہا تھا۔اس کے پاس ایک لاکھ 70 ہزار روہے کہاں سے آئے ۔یہ کس نے دی یاپھر وہ اس رقم کو کس کے حوالے کرنے والا تھا۔

اسپیشل ٹاسک فورس نے شمالی 24 پرگنہ کے بارانگر اور ہگلی ضلع کے کون نگر میں چھاپہ ماری مہم جاری رکھنے کافیصلہ کیا ہے۔اس معاملے میں ملوث دیگر لوگوں کی گرفتاری عمل میں آ سکے ۔