'دنیا میں بھارت کاوقار مجروح ہوا'

سی پی آ ئی ایم کے سنیئررہنما حنان ملا نے کہاکہ بی جے پی کی قیادت والی مرکزی حکومت کی پالیسی کے سبب پوری دنیا میں بھارت کا وقار مجروح ہو ا ہے۔

مغربی بنگال سی پی آ ئی کے سنیئر رہنما حنان ملا نے میڈیا سے گفتگو کرتے ہوئے کہاکہ بی جے پی کی حکومت جب سے مرکز میں آ ئی ہے اس وقت سے بھارت کو عالمی سطح پر ناکامی کا سامنا کرنا پڑا ہے۔

انہوں نے کہاکہ بی جے پی اب تک جتنی بھی پالیسیاں لائی ہے اس سے ملک کو نقصان ہو ا ہے۔ بی جے پی کے اعلیٰ رہنما چاہئے کچھ بھی کہہ لے لیکن سچائی یہ ہے کہ عالمی سطح پر ملک کو نقصان ہو اہے۔

سی پی آ ئی کے رہنما کا کہنا ہے کہ اس کی سب سے بڑی مثال یوروپین پارلیمنٹ میں بھارت کی کئی پالیسیوں کے خلاف آواز بلند کی گئی ہے۔

انہوں نے کہاکہ امریکہ میں بھی بھارت کی پالیسی پر تنقید کی گئی۔ ہر محاذ پر بھارت کو تنقید کا سامنا کرناپڑا۔ اس کے پیچھے کوئی اور نہیں بلکہ حکمراں جماعت بی جے پی ہے۔

حنان ملا کاکہنا ہے کہ بھارت ایک مہان ملک ہے۔ ملک کی معیشت بھی کافی مضبوط تھی لیکن مرکز میں جب سے بی جے پی کی قیادت والی حکومت آ ئی اس وقت سے ہی ملکی معیشت کو نظر لگ گئی ہے۔

'دنیا میں بھارت کاوقار مجروح ہوا'

انہوں نے کہاکہ بی جے پی کے پاس ملک کی معیشت کوپھر سے مضبوط کرنے کاکوئی منصوبہ نہیں ہے۔ اگر منصوبہ بندی ہوتی تو وہ مذہب کے نام پرسیاست کواتنی اہمیت نہیں دیتی۔