مغربی بنگال میں کورونا وائرس کے یومیہ کیسز میں کمی

ریاست میں کورونا وائرس کی دوسری لہر کی خطرناک صورت حال کے دوران راحت کی بات یہ ہے کہ یومیہ کیسز اور اموات کی شرح میں زبردست کمی آئی ہے۔ ملک کی دوسری ریاستوں کے برعکس مغربی بنگال میں کورونا کی دوسری لہر میں کیسز قابو میں آگئے ہیں، جس کے سبب یومیہ کیسز میں غیر معمولی کمی آگئی ہے۔

گزشتہ 24 گھنٹوں کے دوران ریاست میں کورونا وائرس کے نئے کیسز کی تعداد نو ہزار سے کم ہوکر 8923 ہو گئی ہے۔ گزشتہ کل کے مقابلے اس میں ایک ہزار کمی آئی ہے۔

گزشتہ 24 گھنٹوں کے دوران مغربی بنگال میں کورونا وائرس کے سبب مرنے والوں کی تعداد 135 تک پہنچ گئی ہے۔ کورونا سے مرنے والوں کی تعداد میں روزبروز اضافہ ہوتا جا رہا ہے جو ریاستی محکمہ صحت کے لئے تشویش کا باعث ہے۔

ریاستی محکمہ صحت کے مطابق بنگال کی حالت دوسری ریاستوں سے کافی بہتر ہے۔ کورونا وائرس کی دوسری لہر پر قابو پانے کا امکان روشن ہے۔

ریاستی محکمہ صحت نے کہا کہ ڈیڑھ مہینے کے بعد کورونا وائرس کے یومیہ نئے کیسز کی تعداد دس ہزار سے نیچے آ گئی ہے۔ سخت لاک ڈاؤن کی وجہ سے ہی کورونا کی دوسری لہر کی رفتار سست پڑی ہے۔

طبی ماہرین کا کہنا ہے کہ بھارت میں کورونا کی دوسری لہر کے درمیان ہی تیسری لہر کے آنے کا خدشہ ہے، لیکن جس طرح مغربی بنگال حکومت نے سخت لاک ڈاؤن نافذ کرکے حالات پر قابو پایا وہ قابل تعریف ہے۔ انہوں نے مزید کہا کہ اگر حکومت لاک ڈاؤن میں نرمی برتنے کے بجائے اسے اور سخت کر دیتی تو جون مہینے کے آخر تک کورونا وائرس کی دوسری لہر پر مکمل طور پر قابو پا لیا جاتا اور اس کی مدد سے تیسری لہر کو بے اثر کیا جا سکتا ہے۔

• مغربی بنگال کے اضلاع میں کورونا وائرس کے یومیہ کیسز پر ایک نظر

شمالی 24 پرگنہ : ۔۔۔۔۔۔۔۔۔۔۔۔۔ 1850

کولکاتا : ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔1،040

جنوبی 24 پرگنہ : ۔۔۔۔۔۔۔۔۔۔۔۔۔۔۔ 606

ہوڑہ : ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 670

ہگلی : ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 551

دارجلنگ : ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 480

رپورٹ کے مطابق اب تک 13،87،131 مریض صحتیاب ہو کر ہسپتالوں سے گھر واپس لوٹ چکے ہیں۔ فعال کیسز کی تعداد 1،62،421تک پہنچ چکی ہے۔

واضح رہے کہ مغربی بنگال میں کورونا وائرس کے مریضوں کی کل تعداد 13،98،881 تک پہنچ چکی ہے جبکہ اس بیماری سے اب تک 15،813 مریضوں کی موت ہو چکی ہے۔ دوسری طرف طبی ماہرین نے ریاستی حکومت سے لاک ڈاؤن میں نرمی برتنے کے فیصلے پر دوبارہ غور کرنے کی اپیل کی ہے۔

طبی ماہرین کا کہنا ہے کہ جون کے آخر تک سخت لاک ڈاؤن نافذ کیا جائے تاکہ کورونا وائرس کی دوسری لہر پر مکمل طور پر قابو پایا جاسکے، جس سے تیسری لہر کو بے اثر بنانے میں مدد ملے گی۔