ممتا بنرجی کی اسدالدین پر نکتہ چینی

وزیر اعلی ممتا بنرجی نے ایم آئی ایم قومی صدر اور حیدرآباد سے رکن پارلیمنٹ اسدالدین اویسی کا نام لئے بغیر ایک جلسے سے خطاب کرتے ہوئے کہا کہ 'اویسی کی پارٹی فرقہ واریت کو فروغ دے رہی ہے'۔

مغربی بنگال کی وزیر اعلی ممتا بنرجی نے کوچ بہار میں ایک جلسے سے خطاب کرتے ہوئے بی جے پی پر شدید نکتہ چینی کی لیکن اس بار ان کے نشانے پر حیدرآباد کے ایم پی اسدالدین اویسی رہے ۔انہوں نے جلسے سے خطاب کرتے ہوئے کہاکہ ریاست کے مسلمانوں کو ہوش مندی سے کام لینا پڑے گا ۔

انہوں نے کہا کہ 'حیدرآباد کی ایک سیاسی جماعت فرقہ وارانہ منافرت کو ہوا دے رہی ہے ۔اس سے ہوشیار رہنے کی ضرورت ہے'۔ انہوں نے اویسی کا نام لئے بغیر کہا کہ جو لوگ حیدرآباد سے آئے ہیں ان سے ریاست کے مسلمانوں کو بچ کر رہنا چاہئے'۔