CM Mamata Benerjee ممتا بنرجی منگل کو ایک بار پھر اڈیشہ جائیں گی

وزیرا علیٰ ممتا بنرجی نے شمالی بنگال کا دورہ رد کرنے کے بعد منگل کو ایک بار پھر اڈیشہ جانے کا فیصلہ کیا ہے۔بنگال سے تعلق رکھنے والے 30شہری اس وقت کٹک کے اسپتال میں زیر علاج ہیں ۔

کولکاتا:ممتا بنرجی اپنے کٹک دورے کے دوران زخمیوں کے اہل خانہ کے ساتھ ملاقات کریں گی۔ کٹک کے علاوہ وزیر اعلیٰ بھونیشور بھی جائیں گی۔ان کے ساتھ ریاستی وزرا چندریما بھٹاچاحہ اور ششی پانجا بھی ہوں گی ۔

ممتا بنرجی نے آج پھر کہا ہے کہ یہ حادثہ ریلوے کی لاپرواہی کی وجہ سے ہوا ہے۔انہوں نے سوال کیا کہ اسٹیشن ماسٹر اور ریلوے ڈرائیور کے درمیان کوئی تال میل نہیں تھا ۔انہوں نے سوال کیا کہ لگاتار دوحادثے کیسے ہوسکتے ہیں۔

کرمنڈل ایکسپریس اور یشونت پور ہمسفر ایکسپریس کے المناک حادثات میں اوڈیشہ کے باشندوں کی سب سے زیادہ ہلاکتیں ہوئ ہیں۔ اڈیشہ سے تعلق رکھنے والے 90مسافروں کی موت ہی ہیں ۔کئی مہلوک مسافروں کی لاشیں آج کولکتہ پہنچیں۔ وزیر اعلیٰ خود نوانا کے قریب کونا ایکسپریس وے کے اوپر ٹول پلازہ پر مہلوکین کے اہل خانہ کے ساتھ تعزیت کی ۔وہاں سے وزیر اعلیٰ ایس ایس کے ایم اسپتال گئے۔ ٹرین حادثہ میں زخمی تین افراد ایس ایس کے ایم اسپتال میں زیر علاج ہیں۔

اس سے قبل ریاستی حکومت کی طرف سے اعلان کیا گیا تھا کہ اڈیشہ میں ٹرین حادثے میں ہلاک ہونے والوں کے لواحقین کو 50 لاکھ روپے کا معاوضہ دیا جائے گا۔ اس دن بھی وزیر اعلیٰ نے کہا کہ متاثرین کے اہل خانہ کے علاوہ حادثے میں شدید زخمی ہونے والوں کے خاندانوں میں سے ایک کو بھی پولیس میں ہوم گارڈ کی نوکری دی جائے گی۔

وزیر اعلیٰ ممتا بنرجی آج شمالی بنگال کے دورہ پر روانہ ہونے والی تھیں ۔ لیکن وزیر اعلیٰ نے خوفناک ٹرین حادثے میں ہلاک اور زخمی ہونے والوں کے اہل خانہ کے ساتھ کھڑے ہونے کے لیے دورہ منسوخ کر دیا۔ اڑیسہ میں گزشتہ جمعہ کو ایک خوفناک ٹرین حادثے میں 275 لوگوں کی موت ہو گئی۔ وزیر اعلیٰ نے حادثے کے اگلے دن بالیشور میں جائے حادثہ اور اسپتال کا دورہ کیا۔ وہ کل دوبارہ اڈیشہ جا رہی ہیں۔