Pradhan Mantri Awas Yojana پردھان منتری آواس یوجنا کی نگرانی کیلئے خصوصی افسران کی ٹیم کی تشکیل

دیہی ترقی کے مختلف پروجیکٹس کے لیے مختص فنڈ کے اجرا کو لے کر ریاستی حکومت اور مرکزی حکومت کے درمیان تنازع جاری ہے۔ تاہم اب مرکزی حکومت نے مختلف اسکیمز کیلئے فنڈ جاری کرنا شروع کردیا ہے۔ ان میں سے پردھان منتری آواس یوجنا کے لیے 820 کروڑ روپے جاری کیا گیا ہے۔ Pradhan Mantri Awas Yojana

کولکاتا:مغربی بنگال کی حکومت بدعنوانی کے الزامات سے بچنے کے لیے خصوصی مشاہداتی ٹیم بنائی ہے۔ اس کے لیے 21 سینئرافسران کو مقر ر کیا گیا ہے، جن میں آئی اے ایس رینک کے 3 تجربہ کار افسران کو رکھا گیا ہے۔ مرکزی حکومت نے کئی مرتبہ بدعنوانی کی شکایت کر رکھی ہے۔ پنچایت دفتر کے ایک اہلکار کے مطابق مرکزی حکومت نے ہاؤسنگ اسکیم کے تحت 11 لاکھ مکانات کی تعمیر کا فنڈ جاری کیا ہے، لیکن محکمہ پنچایت نے 49 لاکھ صارفین کی فہرست پہلے ہی تیار کر لی تھی۔ اس بار اس فہرست پر گھر گھر سروے کرکے منصفانہ طریقے سے فنڈ جاری کیا جائے گا۔ نوبنو نے افسران کو اس کے لیے پولس سے بھی مد دلینے کو بھی کہا ہے۔ West Bengal CM Mamata Banerjee Set Up SPL Team To Monitor Pradhan Mantri Awas Yojana

ریاستی انتظامیہ کے اعلیٰ افسران کو ان تمام کاموں پر کڑی نظر رکھنے کی ذمہ داری دی گئی ہے۔ 21 افراد پر مشتمل مانیٹرنگ ٹیم پردھان منتری آواس یوجنا کے تحت رقم لینے والوں کی نگرانی کرے گی۔ وہ اس کے حقدار تھے یا نہیں۔جو لوگ انکم ٹیکس جمع کرتے ہیں یا موٹر بائک، اسکوٹر یا دو پہیہ گاڑیاں رکھتے ہیں وہ آواس یوجنا کے تحت نہیں آسکتے ہیں۔

اس طرح کل تیرہ شرطیں رکھی گئی ہے۔ یہ شرائط بنیادی طور پر مرکزی حکومت نے عائد کی ہیں۔ تاہم مرکزی حکومت کی شرائط کے ساتھ ریاستی حکومت نے اس سلسلے میں کئی شرائط بھی شامل کی ہیں۔ اندرا آواس یوجنا، گیتانجلی جیسی اسکیموں سے فوائد حاصل کر نے والوں کو بھی پردھان منتری آواس یوجنا کا فائدہ نہیں ملے گا۔West Bengal CM Mamata Banerjee Set Up SPL Team To Monitor Pradhan Mantri Awas Yojana