مغربی بنگال کی وزیراعلیٰ ممتا بنرجی نے کہا کہ سچائی یہ ہے کہ کوروناوائرس ابھی ختم ہونےو الا نہیں ہے۔ یہ لمبا چلنے والا ہے ۔اس لئے لوگوں کو احتیاطی تدابیر پر عمل کرتے ہوئے اس سے مقابلہ کرنا ہوگا ۔
ریڈ زون کو تین حصوں میں تقسیم کرنے کا اعلان
انہوں نے کہاکہ ریڈ زون کو اے ، بی اور سی تقسیم کیاگیا ہے۔ لاک داؤن کے دوران ریڈزون میں کوئی راحت نہ دی جائے گی ۔بی اور سی میں چھوٹ دینے کا فیصلہ کیا گیا ہے۔
وزیراعلیٰ نے کہاکہ کولکاتا اور مغربی بنگال پولیس اس ضمن میں مشورہ دینے کی ہدایت دی گئی ہے۔15 مئی تک مشورہ ملنے کے بعد ہی ان لوگوں میں چھوٹ دینے کافیصلہ کیا جائے گا۔
ممتابنرجی نے کہاکہ بی اور سی میں راحت دی جائے گی ۔ ہوٹل کھلارہے لیکن ہوٹل میں بیٹھ کرکھانا کھانے کی اجازت نہیں ہو گی۔لوگوں کو اس کا خیال رکھنا ہوگا۔