شہریت ترمیمی ایکٹ پر اقوام متحدہ اور حقوق انسانی کمیشن کی نگرانی میں ریفرنڈم کرانے کے مطالبے پر بی جے پی کی طرف سے سخت تنقید کا سامنا کرنے کے بعد ممتا بنرجی نے کہا ہے کہ انہیں کسی سے بھی محب وطن ہونے کا سرٹیفکٹ لینے کی ضرورت نہیں ہے۔
' محب وطن ہونے کا سرٹیفکٹ لینے کی ضرورت نہیں' مغربی بنگال کی وزیراعلیٰ ممتابنرجی نے کہاکہ اتنا مت ڈراؤ کہ خودآئینہ دیکھنے سے ڈرالگو، ڈرانے اور دھمکانے کھیل بہت ہو چکا ہے۔ اب پیچھے ہٹنے کی باری آئی ہے۔
انہوں نے کہاکہ میں مجھے بی جے پی کے رہنما کیا ڈرائیں گے۔ میں تو خود مرنے کے لیے تیار رہتی ہوں۔ عوام اور ملک کی خدمت کرتے ہوئے مروں تومجھے فخر ہوگا۔
ترنمول کانگریس کی سربراہ ریلی کو خطاب کرتے ہوئے میں تم تو قبر سے ڈرتے ہو کفن میراانتظار کرتا ہے۔ اس سے ہی سمجھ لینا چاہیے کہ میں کیاہوں
وزیر اعلیٰ نے کہاکہ ریاست کے عوام پرامن ماحول میں احتجاج کررہے ہیں مگربی جے پی کے لوگ اس راہ میں رخنہ ڈالنے کی کوشش کررہی ہیں۔
ممتا بنرجی نے کہا کہ مرشدآدباد میں بی جے پی کے پانچ ممبروں کو گرفتار کیا گیاہے جو مظاہرین کی ساتھ شامل ہوکر تشدد اور املاک کو نقصان پہنچانے میں شامل تھے۔
ان پانچوں افراد کے خلاف ساگر دیگھی ریلوے اسٹیشن کو نقصان پہنچانے کا الزام ہے۔
ممتا بنرجی نے کہا کہ میں ملک کے ہر ایک شہری سے پرامن احتجاج کرنے کی اپیل کرتی ہوں، مرکزی حکومت سے اپیل ہے کہ وہ عوا م کی تشویش کی ازالہ کریں۔
ممتا بنرجی نے کہا کہ مجھے اپنے ملک اور یہاں کے نظام پر فخر ہے۔میرے بیان کو توڑ مروڑ کر پیش کیا گیا ہے۔مجھے یہ مت بتائیں کہ بی جے پی کیا کہہ رہی ہے۔
انہوں نے کہاکہ مجھے بی جے پی سے سرٹیفکٹ کی ضرورت نہیں ہے۔چوں کہ میں ان کے خلاف احتجاج کررہی ہوں اس لیے مجھے یہ لوگ غدار لکھ رہے ہیں۔
انہوں نے کہا کہ چوں کہ مرشدآباد پولس نے بی جے پی کے پانچ کارکنان کو ٹرین پر پتھراؤ کرنے کے الزام میں گرفتار کیا ہ ییہ لوگ مقامی لوگوں کی شباہت بناکر شہریت ترمیمی ایکٹ کے خلاف احتجاج کو بدنام کرنا چاہتے تھے۔
پولس کے ہاتھوں گرفتار ابھیشک سرکار نے کہا کہ وہ بی جے پی رکن ہیں تاہم بی جے پی قیادت نے انکار کیا ہے کہ وہ بی جے پی ممبر نہیں ہیں۔
اس سے قبل وزیر اعظم نریندر مودی نے کہا تھا کہ شہریت ترمیمی ایکٹ کے خلاف احتجاج کرنے والوں کو کپڑے سے شناخت کی جاسکتی ہے۔
