By Poll Result 2023دھوپ گوری ضمنی انتخاب میں جیت سے ممتا بنرجی خوش

وزیرا علیٰ ممتا بنرجی نے دھوپ گوری اسمبلی حلقے میں ضمنی انتخاب میں کامیابی پر عوام کا شکریہ ادا کرتے ہوئے کہا کہ یہ ٹیم 'انڈیا' کے اتحاد کا نتیجہ ہے۔ انڈیا نے جہاں جہاں جیت حاصل کی، اس کے لیے میں مبارکباد پیش کرتی ہوں۔ Bengal CM Mamata on By Poll Result 2023

کولکاتا:مغربی بنگال کی حکمراں جماعت ترنمول کانگریس کی سربراہ اور وزیر اعلی ممتا بنرجی نے کہا کہ میں دھوپاگوری کے ووٹروں کو ترنمول کانگریس کی حمایت کرنے پر شکریہ ادار کرتی ہوں اور جیت کے لیے مبارکباد پیش کرتی ہوں۔ لوک سبھا میں اس سیٹ پر بی جے پی کو تقریباً 19 ہزار کی برتری حاصل تھی۔ یہ ان کا گڑھ تھا اور ان کے سینئر لیڈران ایک ماہ تک وہاں رہے۔ ہر ہوٹل بک ہو چکا تھا۔ کوئی جگہ نہیں تھی جہاں کوئی جا سکتا تھا۔' یہ ہمارے لئے بڑی جیت ہے۔

انہوں نے کہا کہ 2024 میں ہونے والے عام انتخابات میں بی جے پی کی شکست یقینی ہے۔ عام لوگ بی جے پی سے اکتا چکے ہیں۔ مرکزی حکومت کی پالیسیوں سے عام لوگ پریشان ہیں۔ ان کی پریشانی دور کرنے کے لئے مرکزی حکومت نے کبھی کچھ نہیں کیا۔ اپوزیشن جماعتوں کے اتحاد انڈیا کا عام لوگوں نے خیر مقدم کیا ہے۔

وزیر اعلیٰ ممتا بنرجی نے کہا کہ ملک بھر میں سات حلقوں میں سے چار میں بی جے پی کی جیت ہوئی ہے۔ تری پورہ میں دو سیٹوں پر بی جے پی کی جیت ہوئی ہے۔ تری پورہ میں ووٹنگ کس ماحول میں ہوئی سب جانتے ہیں۔ تریپورہ میں لوک سبھا کے صرف 2 حلقے ہیں۔ یہ ٹیم 'انڈیا' کی بڑی جیت ہے۔ملک کے عوام آہستہ آہستہ سمجھنے لگے ہیں۔